Reportagem; Virgilio Viana.
Kandidatu ho numeru sorteiu (11) hala’o kampanha Dialogu ba ditu (7) nian iha Suku Cassa, postu Administrativu Ainaro, Munisipio Ainaro:Quarta-Feira(08/03/2022).
Coatancio Pinto sei loke odamatan Palacio Prezidensial ba sidadaun sira semana ida dala ida, hodi bele hato’o Sira nia problema.
Katak Constansio Pinto.”Populasaun ain tanan barak sei moris iha situasaun ne’ebe la dignu, moris iha ki’ak no mukit nia laran, la asesu ba bee mos, Eletrisidade, Estrada,Saude no mos la iha posibilidade ba oan sira atu hetan edukasaun ne’ebe diak, ida ne’e la’os sentidu real ukun rasik a’an nian, ita hotu liu husi prosesu ida hodi lori Timor to’o ukun rasik a’an ema hotu lakon nia familia iha luta ba ukun rasik a’an nian, maibe depois ida ne’e ema Ida ka grupo ida maka hetan benefisiu, Timor-Leste rai ida ne’ebe riku iha osan, Ne’e laos grupo no ema ida nian maibe ne’e povu nian. Governu iha responsabilidade atu utiliza osan sira ne’e hodi hadi’a povu nia moris.”
Poder ne’ebe sidadaun sira fo sei uja hodi influensia ezekutivu sira nune’e bele halo programa ne’ebe responde ba povu nia nesidade baziku,
Alende ne’e iha Coatancio Pinto nia mandatu, sei estabelese bolsu estudo ho naran “Bolsu estudo Prezidente Republika” hodi bele atende no fo apoiu ba joven sira ne’ebe Inan/Aman laiha kapasidade atu fo apoiu ba sira nia edukasaun. No sei vizita Munisipio, Suku no Aldeia sira, hamutuk ho populasaun hodi hare’e sira nia problema nune’e bele hato’o ba Governu hodi prepara halo planu oinsa atu rezolve problema sira iha baze, sei loke mos odamatan Palasiu Prezidente nian semana ida dala ida hasoru sidadaun sira hodi hato’o sira nia problema, tamba hanesan Prezidente Republika laiha dialogu ho sidadaun sira sei la hatene sira nia problema no labele rekomenda ba Governu no labele influensia Govrnu nia desizaun politika sira.” Katak Coatancio Pinto.
Iha fatin hanesan reprezentante Ofisial Ady Pinto hateten,” Edukasaun kualidade labele asesu de’it ema nebe iha osan maibe povu ki’ik sira to’o baze iha situasaun ida hanesan ne’e tenke asesu hotu ba edukasaun kualidade, ba eskola lian Inglesh no portugues labele iha kapital deit maibe tenke to’o iha baze, maibe to’o munisipio,postu no suku tenke asesu ba edukasaun ne’ebe iha kualidade, Ida ne’e maka dehan hari’i nasaun husi baze. Mehi sira ne’ebe ami iha iha la’os ko’alia de’it maibe ami lori ona ba asaun, hela fo poder ba Dr.Costancio Pinto hamutuk ho joven sira hotu para mehi ne’e tenke realiza to’o baze tamba so iha poder politiku maka bele atinge mehi sira ne’e. Wainhira Dr.Costancio Pinto atu haruka joven sira ba eskola iha rai liur maka Sira mos iha hanoin ne’ebe luan ona, iha vizaun bo’ot hodi fila fali mai dezenvolve ita nia Rai.”
Juventude suku Cassa Rozario da Silva.11- “Ho orgolhu bo’ot tebes tamba kandidatu Costancio Pinto bele hakat mai iha suku ne’e, no apela ba Dr.Costacio Pinto karik sai Prezidente atu hadi’a ami nia estrada no hare’e netik ba ami joven sira ne’ebe remata ona eskola sekundariu de’it maibe agora daun-daun abandona hela tamba familia laiha kbi’it hodi sustenta ami to’o ba iha Universidade nian.”
Discussion about this post