Jeneral LAT Sei Marka Diferensa: laos lori Riku Mak Ita Lao Hamutuk Maibe Ran Ho Isin

Reportajen:Odete Bete

Tuir observasaun  ekipa media monitorin Journalista Radio Rakambia iha terenu nota katak hahu husi inisiu kampainha ate adata apoiantes husi maun alin veteranus no povu em jeral ho fuan ho laran fo  apoiu  tomak fo votus no antioziasmu ba Iha Jeneral Lere Anan Timor (LAT) nia kampainha eletoral no nia diskursu. Munisipiu Lautem Vila. Sabadu. (05/03/2022).

Kandidatura  prezidenti  RDTL 2022 – 2027, Jeneral LAT  hato’o iha nia diskursu iha loron kampanha eletoral ba dahhaat iha munisipio Lautem hateten ba povu no Maun Alin Veteranos sira hotu, laos lori riku mak ita lao hamutuk maibe ran ho isin mak lori ita lao hamutuk. No Jeneral LAT hato’o ba apoiuantes no simpatezantes sira  hadomi  nia rain,  hadomi  nia povu, no  hadomi  nia alin sira ne’ebe mate iha nia sorin sorin. Ho razaun hirak ne’e hodi kandidata a’an ba Presidenti RDTL 2022 – 2027.   

Katak Jeneral LAT,“Hau sei Marka Diferensa no atu dehan deit ba Maun Alin Veteranos sira hotu hau laos lori riku mak ita lao hamutuk, maibe ran ho isin mak lori ita lao hamutuk.”

 No LAT haktuir liu tan.” Sai prezidente laos atu S1,S3 mak sai prezidenti,  lae S24 mos sei sai prezidenti,  hodi ukun rai ida ne’e. Ohin ita haree Palasio dehan aitarak laran, hau hateten bebeik ba prezidenti muda tiha naran a’at  ida ne’e. Mais kuandu hau mak presidenti hau lakohi tuur iha ai tarak laran tam-ba,  hau hadomi ema hotu  no hau sei haree uluk ba hau nia maluk sira ne’ebe mate iha hau nia sorin sorin.”

LAT hanesan Xefi estadu ka Maijor Jeneral ba FFDTL iha 06 Outobru 2011 foin reformadu iha loron 28  Janeiru 2022.

“Hau foin sai husi Xefi  estado fulan ida .Hau sai iha loron 28 Janeiru 2022. Hau reformado ona hau la militar,agora hau politiko, lider hanesan babain maibe hau hadomi hau nia rain no hadomi hau nia povu hadomi hau nia alin sira ne’ebe mate iha hau nia sorin sorin tam-ba ida ne’e mak hau aseita ba kandidato prezidenti iha periodu 2022-2027.

Hakarak sai prezidenti liu husi hau nia Partido FRETELIN maibe FRETELIN taka dalan mai hau, ho  rekandidatu Lu-olo mai-be hau nafatin FRETILIN.

No Reperezentante partido CNRT Fernando Soares husu ba povu husi postu hirak ne’ebe iha Lautem  iha 19  Marsu 2022 fo apoiu no vota ba Jeneral Lere Anan Timur.  

Tuir mai reperezentante CNRT Fernando Soares hateten “Ba postu hirak ne’ebe husi munispio Lautem nian ohin loron hasoru malu iha fatin ida ne’e,  ita Lere nia oan deit laos partido seluk. No mai hamutuk iha fatin ida ne’e hodi apoiu ita nia avo Lere iha 19 Marsu 2022, hau husu ba inan aman munisipio Lospalos tomak hamutuk hodi lori ita nia aman Jeneral Lere Anan Timur lori ba Ai tarak laran ne’eba hodi haree inan aman no povu sira husi Jaco to Oecusse .Ita hamutuk lori ita nia rai ida ne’e hodi lao ba oin”