Dra. Armanda Berta : Hametin Unidade Nasional Ba Juventude

Reportajem: Melquianos da Silva

Kandidatura Dra.  Armanda Berta dos Santos hakarak joventude kria unidade nasíonal ,hakribi konflitu iha rai doben Timor-Leste . Liahirak ne’e hato’o bainhira hala’o kampanha ba dahllima nian,  iha kampu foot ball Triloka ,posto administrativu Baukau vila ,Munisipu Baukau .Domingo (06/03/2022).

Presidente Kmanek haburas  unidade nasíonal timoroan (KHUNTO) hato’o bainhira militante no simpatizante partidu KHUNTO  halo viagem bainhira atu tuir kampanha iha kampu Foot Ball  Triloka bainhira hetan dezentendimentu husi ema deskonesidu .

Kandidata ne’e informa : Karik imi la gosta ha’u labele tuda ha’u nia emar sira ,di’ak liu tuda mak ha’u tanba sira mai tan ha’u

Berta informa” Hakarak dezenvolvimentu ne’e la’o ho diak presiza ita hotu nia koperasaun no kolaborasaun liu husi fo liman ba malu ,hakribi problema ,hakribi violensia tempu to ona atu ita hotu fo liman ba malu hodi lori povu Sai husi Kiak no Mukit.”

Iha fatin hanesan konselleru Màsimu partidu khunto José dos Santos “NaiMori Bukar” hateten Armanda Berta Kandidata a’an ho misaun ida hakarak liberta Povu husi mukit no kiak laos kria problema.

“ita hare’e ita nia aman sira komesa idade ba bebeik ona ,sira atu liberta povu ne’e susar ona karik,tanba ne’e nu’udar jerasaun foun mak bele liberta povu no rai ida ne’e”.

Lider màsimu ne’e afirma sei kria relasaun fundamental atu ezerse sira nia diretu no liberdade.

“iha komprimisiu ida ne’e ha’u sei hametin liberdade ba sidadaun hotu-hotu hodi asesu ba justisa no la halo deskriminasaun ba se de’it iha nasaun Timor -Leste ida  ne’e atu hetan tratamentu ne’ebe di’ak ba povu nia moris.”

Entretantu  Reprezentante Feto Munisipiu Baukau Lurdes Gomes, akresenta  Dra. Armanda Berta ema ne’ebe laran diak ba joven no povu doben ida ne’e la hare ba kor no rasa.

“Ha’u rasik tuir mana Berta ,no koinese muito bem oinsa Mana Berta sai inan ne’ebe diak ba nia oan sira  ,ne’e duni la bele duvida atu hili sai presidente  tanba nia hatudu ona ba ita nia nasaun liu husi nia knaar ne’ebe nia halo iha rai doben ida ne’e “dehan Nia.

Tuir informasaun ne’ebe jornalista radio rakambia hetan iha terenu militantes no simpatizantes liu rihun lima resin mak partisipa iha kampanha ,no hetan observasaun masimu husi seguransa F-FDTL ,Policia no observasaun nasional no internasional.”