Reportagem :Melquianos da Silva
Konselleru Masímu Partidu Kmanek Haburas Unidade Nasional Timor Oan (KHUNTO),José dos Santos “Naimori Bukar” reafirma kona prekupasaun pùbliku ba kandidata Armanda Berta. Povu la hare’e ba liafuan ne’ebe ko’alia barak ,maibe povu presiza senti saida mak ita halo ona.Lia hirak ne’e hato’o bainhira hala’o kampanha daha’at nian iha kampu futeboll Lautem , suku Parlamentu ,posto adminstrativu Lautem ,Munisipiu Lautem ,Sàbadu (05/03/2022).
Tuir konselleru Masímu Partidu Khunto NaiMori katak. “Maske ema barak hateten Armanda Berta Lider ne’ebe inkapasidade maibe nia nunka na’ok Povu nia osan.
Ema hotu hotu preokupa katak ita nia kandidatu ne’e beik ten,nia atu lori imi ba ne’ebe?,hau só hamnsa de’it ó ida matenek ne’e ukun tinan 20 halo saida ona ba rai ida ne’e?”
Konselleru ne’e mós informa.” povu hili ida ne’ebe la matenek di’ak liu duke ida ne’ebe matenek ha’u hakarak ko’alia ba imi povu tomak ,ida ne’ebe la matenek ne’e di’ak liu ida ne’ebe matenek ,tam-ba ida ne’ebe matenek halo tuir nia hakarak,no na’ok mos tuir nia hakarak,ne’e ko’alia ho fuan ,laos ko’alia ho matan ne’ebe ho hirus,ida ne’ebe mak matan hodi hare’e no hateke nia emar sira iha kotuk,tanba ita presiza povu nia moris di’ak presiza kalma.
Lider supremu ne’e mós deklara sai lider labele sai matan kanten ba povu nia osan
“Ha’u nia matan la kanten ida,ema barak matan kanten ,tanba ne’e povu presiza o nia fuan mos ,tanba povu ne’e presiza ukun ne’e ho fuan la’os ho liafuan ,dalabarak ema matenek ko’alia barak nem iha asaun maibe ida ne’ebe nonok iha asaun no povu senti “.
Iha fatin hanesan Kordenador ekipa susesu Munisipiu Lautem, Sr. Deonizio Soares hatutan.” kandidatura hotu-hotu mesak matenek ,maibe kandidatura ho sorteiu 9 ùniku tebes. Ha’u hakarak hateten kandidatura sira mesak ita nia inan,mesak ita nia aman ,sira hotu rikusoin rai ida ne’e nian presiza ita hotu nia respeita ,sira mai kandidata a’an ho ida-idak nia kapasidade ,talentu no mós ho ida-idak nia “kelebihan” ,Maibe kandidata ida ne’e ùniku diferente tebes ho sira seluk,tanba ita nia inan nia matenek ne’ebe simples,presiza ita kuidadu no tane tam-ba ida ne’e mak fo moris di’ak mai ita”dehan kordenadaor.”
Tuir observasaun husi militante partidu khunto afirma. “maske vota ho segredu maibe ho neon tomak hili Armanda Berta tanba fuan mós ,laran mós no pasensia .
Tuir ha’u nia hare’e Ama Berta hanesan ema ne’ebe simples ,pasensia liu,maske ema tolok,tarata ,hotar no hasai liafuan oioin ,maibe nia firmeza nafatin ho nia prinsípiu ida katak koalia att nia hanesan forsa ida ba nia atu nu’une nia hamrik metin hodi ukun no servi nasaun ida ne’e ba moris di’ak.”
Militante ne’e mos afirma katak kandidata sei labosok ho nia promesa no nia sei halo duni bainhira realidade
“ha’u fiar katak nia sei realiza nia promesa tomak ,tam-ba nia hadomi nia povu ,ida ne’ebe maske ko’alia ituan de’it maibe nia asaun halo barak ida ne’e mak ami povu nia hakarak ,realidade nia sei hatudu.”
Tuir observasaun ne’ebe jornalista hetan iha terrenu kampanha ba loron daha’at nian hetan partisipasaun masímu husi militante no simpatizantes Munisipiu Lautem,nomós observasaun husi nasíonal no internasíonal no hetan seguransa masímu husi F-FDTL no PNTL.
Discussion about this post