Kandidatura Presidenti ho numeru sorteu 8 nafatin hato’o diskursu diskursu ne’ebe hanesan ba povu manatutu mai iha povu Viqueque. VIQUEQUE, Dili, Timor – Leste. Quinta- Feira. (03/03/2022). Photo By: Odete Bete.
Reportajen :Odete Bete
Kandidatu prezidenti 2022 -2027 Lere Anan Timur ho nia ekipa Susesu no apoiantes sira halao kampanha daruak iha munisipio Viqueque vila. No iha kampanha ne’e reprezentante Veteranos Jaime Au Matak hateten ho matawen hodi husu ba povu katak, hili deit mak maun Lere Anan Timur. No iha sorin seluk reprezentante organizasaun arte marsiais mos hato’o no husu ba organizasaun arte marsiais hotu-hotu atu fo apoiu ba iha Lere Anan Timur. VIQUEQUE, Dili, Timor – Leste. Quinta- Feira. (03/03/2022).
Kandidatura Presidenti ho numeru sorteu 8 nafatin hato’o diskursu ne’ebe hanesan ba povu manatutu mai iha povu Viqueque katak numeru sorteo walu (8) ne’ebe nia iha ne’e hanesan reprezenta sira nain 8 no sira mak tau liman hau, tula liman ba hau hodi kandidata an ba Presidenti.
Kandidato Prezidenti Jeneral Lere Anan Timur hateten,”Loron ohin 3 de Marsu 1981 istoria ne’ebe ke lao iha rai viquque.Rai viqueque hau nia rain, uluk hau mak troka bapa sira iha ne’e. No No.8 ne’eba reprezenta sira nain 8 no sira mak tau liman hau, tula liman ba hau hodi kandidata an ba prezidenti.”
Jeneral Lere Anan Timur haforsa liu tan, hau hamrik iha ne’e laos mesak maibe ami nain 2 mak hamri’ik.
Katak Jereral Lere Anan Timor.”Ohin loron hau hamrik iha ne’e laos hau mesak maibe ami nain rua mak hamriik iha ne,e imi koinese maibe imi la bele hare’e nia, nia mak hau nia maun “Daytula” Hau sei manan iha eleisaun Presidential 2022-2027.”
Jeneral Lere Anan Timor hatutan tan.” Ohin hau mai laos, atu fahe osan ba imi maibe hau mai husu imi nia domin mai hau tam-ba hau hakarak justisa no lia los ba povu maubere hakarak unidade, estabilidade hakarak dezenvolvimentu ba nasaun ida ne’e mak, hau nia hakarak.
No hau laos kandidato husi FRETILIN maibe hau FRETILIN.Veteranos rejistensia sira mak foti hau sai presidenti ba 2022-2027. Bainhira hau sai prezidenti, hau sei la halo promesa maibe primeiro hau sei halo Veteranos sira nia fatin ka rate, tam-ba ita la ba halo’ot sira nia ruin mak sira babeur ita, hodi naran koalia no promesa ba povu sira.”
Iha oportunidade ne’e, reprezentante veteranos Jaime Aumatak hateten.“Husu ba povu ka sese deit tenki vota ba Lere Anan Timur. Ita hatene se mak halo funu. Nia mak hari’i dalan ba ita hotu, barak mak lori ita tu’un sae e deskulpa hau la hatu’un idaidak tam-ba idade hotu hotu hanesan.
Ne’ebe hau hateten ba imi hotu, hau la hatu’un ema ida. no lori ba hodi hadomi povu e fila fali mai hodi hadomi povu ida ne’e mak ita nia prinsipiu. Primeiro jeneral mai fila fali ba Tanenti, se mak fo apoi laos povu aileba ho veteranos Viqueque entau se mak fo fali apoi ba Jeneral Lere. Ita tenki fo apoiu lori ba prezidenti para hamenus ita nia tusan, ita nia terus, ita nia susar ne’ebe iha viqueque. Kamaradas, Buiberes Mauberes ita terus laos ema atu selu ita maibe, ita nia terus ba rai ida nee”
Iha fatin hanesan reprezenta organizasaun Arte marsiais Silverto Raimundu hateten.”Reprezenta husi organizasaun hotu hotu e organizasaun St.Antonio ne’ebe militar indonezia invade iha Timor Leste iha tinan 1975 destroi ita nia base de apoiu husi Loromonu ,rai klaran no loro sae, entaun organizasaun komesa mosu iha tinan 1982 too iha 1999 atu kontinua fo apoio ba ita nia aman sira ne’ebe iha ai laran. Ho ida ne’e mak organizasaun St.Antoniu no oragnizasaun seluk tan ne’ebe eziste iha Timor laran tomak tenki fo apoiu ba ita nia Jeneral ninia kandidatu ba PR iha tinan 2022-2027 depois ohin loron ita nia aman Lere ne’ebe halo kampanha iha ne’e no pas iha loron 3 de Marsu espesial loron Martires da patria, ho ida ne’e ita hotu hare’e fila fali sira nia terus iha 24 anos .Nee duni ita husu ba ita nia maluk sira hotu fo fiar iha loron 19 de Marsu ita tuu iha No.8 nee”.
Discussion about this post