Reportagem; Virgilio Viana
Atu dezenvolve agrikultura tenke hadia infrastrutura estrada la’o diak iha mos Governu karik hakarak agrikultor sira produz diak liu tan tenke kri’a mos kondisaun ho dignu.Dili-Quinta Feira (04/03/2022).
Costancio Pinto hato’o agradese ba inan aman sira iha suku Sikone-Diloli postu Natarbora ne’ebe fo apoiu iha prosesu kartaun eleitoral nian barak tebes maka ba husi ne’e kuaze 300 resin ho nia original.
Costancio Pinto hare’e katak “iha asuntu Nasionais ho intrese nasional barak ne’ebe tenke hadia, importnte Liu maka povu tenke moris iha kondisaun ne’ebe dignu, iha uma ida di’ak para atu hela, iha hahan bikan tolu lor-loron labele falta, asessu ba edukasaun, Tratamentu saude ho diak no buat hotu nebe povu bele asessu ho diak.
Planu prioridade ne’ebe importante liu sempre ko’alia iha ema hotu nia oin maka tenke investe iha Edukasaun, orasmentu ba edukasaun tenke aumenta, tamba tinan-tinan orasmentu ne’ebe Governu sempre tau iha setor edukasaun montante ki’ik tebes , ema barak ho esforsu tomak servisu iha agrikultura hodi bele garantia oan sira nia estudo, Governu iha osan maibe la tau prioridade hodi investe ba sector edukasaun ne’e.
Atu dezenvolve agrikultura ho diak tenke hadia infrastrutura estrada la’o diak iha mos Governu karik hakarak agrikultor sira produz diak liu tan kria mos kondisaun, tan ne’e tenke transforma Natarbora sai hanesan baze ekonomia rai laran nian husi agrikultura, Governu bele estabelese kondisaun oinsa atu fasilita agrikultor iha asessu ba kreditu husi banku hodi Sira bele sosa fini no ekipamentu ba agrikultura nian no Timor-Leste kuaze 99% produtus agrikolas ne’e sei organika hotu ohin loron Nia Daniati pressu iha mundu ne’eba ne’e karun Liu oinsa atu bele servisu dezenvolve agrikultura liu-liu iha Hortikultura Sira hodi bele exporta ba rai liur ho nia valor ne’ebe adisional.”
Iha fatin hanesan komunidade Natalino da Silva hateten.”kandidatura 16 atu hadau malu ba prezidente mesak Timor oan de’it, Timor-Leste iha munisipio 12 inklui RAEO maibe kandidatu liu tia ba 16, karik sai prezidente promesa saida maka dehan ba povu tenke halo ka kandidatu seluk Ida mak sae ami husu de’it mana no maun bo’ot Sira tenke rona malu no tane as povu no Nasaun ne halo didiak.”
Reprezentante Juventude suku sikone Dilole Silverio Lopes.“Apresia tebes ba Programa hirak ne’ebe husi Costancio Pinto nian hakarak rekomenda de’it katak ida ne’ebe maka manan no halo dezenvolvimentu ba rai ida ne’e, husi suku ne’e terus ba dezenvolvimentu ami hasoru ema bo’ot ne so iha tempu kampanha de’it.”
Discussion about this post