kandidatura Presidenti, Dra.Isabel da Costa Ferreira husu ba povu vota ho konsensia rasik. iha Aldeia Manukasa, suco manukasa, postu Liquidoe, Munisipio Aileu,Quarta- Feira (02/03/2022). Photo By: Zelia da Silva
Reportajem:zelia da silva
Kandidatura Ho Numeru Sorteo UM (1) Iha Nia Kampainha Hamutuk Iha Mehi Ida Deit, Pas, Estabilidade No Moris Diak.
Hanesan kandidatura presidente Republika 2022-2027 ho numero sorteo um (1) eskolla fatin liquidoe hanesan fatin dahuluk hodi halao kampanha eletoral tamba, Aileu hanesan fatin ne’ebe istoriku. Kampanha ne’e hala’o iha, Aldeia Manukasa, suco manukasa, postu Liquidoe, Munisipio Aileu,Quarta- Feira (02/03/2022).
Iha kamapinha dor to dor refere, kandidatura Presidenti, Dra.Isabel da Costa Ferreira halo refleksaun hodi kompara ho lia mesajen husi “Presidenti kennedy Amerikanu dehan povu labele husu saida mak atu halo ba, maibe povu idak-idak tenke hatene saida mak halo ba nia nasaun, labele husu de’it.” No kandidatura Presidenti husu ba apoiantes, simpatezantes no mos komumidade husi suku Manukasa nia sujere vota ho konsensia hodi ezerse imi nia diretu iha loron 19 Marsu.
Tuir kandidatura Presidenti, Dra.Isabel da Costa Ferreira hateten,”Hare ba situasaun Timor-Leste nian Ita atu restaura independensia ba tinan ruanulu ona falta tinan haat kompleta tinan ruanulu-resin-haat hanesan Ita luta ba ukun rasik an,ita hotu hamutuk hanoin ida de’it hakarak ida de’it hodi liberta ita nia rain Timor-Leste sai nasaun libre no independente,ohin hetan duni nasaun Ida libre no independente mais atu desenvolve fali Timor-Leste atu liberta povo husi kiak tinan ruanulu mos Ita marka pasu hela de’it.
Husu fali ba Timor oan idak-idak Ita nia responsabilidade hanesan Timor oan ita hotu tenke sai sujeitu iha prosesu Ida ne’e,hanesan presidente kennedy Amerikanu dehan povu labele husu saida mak atu halo ba,maibe povu idak-idak tenke hatene saida mak halo ba nia nasaun,labele husu de’it ba ita nia lider sira, se ita husu de’it ba lider sira hanesan mos ita husu ba estadu atu halo buat ruma ba Ita,tamba ne’e tenke muda hanoin no hahalok tenkeser sai prosesu ba desenvolvimentu nasaun Ida ne’e.Mai ho visaun ne’ebe simples maibe ambisioja, hametin fiar promovel familia no defende nasaun,tamba ne’e sidadaun hotu-hotu tenke prepara nia aan para atu simu estafetas atu desenvolve Timor-Leste sai nasaun riku ka forti,Timor la’os monarki tamba ne’e tenke prepara Lider ne’ebe atu mai ukun nasaun Ida ne’e ho diak.”
Dra.Isabel da Costa Ferreira promete Karik povu fo konfiansa ba nia sai presidente Republika Nia hakarak promove familia no Patria Liu husi atividade ne’ebe halo konkretu no hamutuk ho povu hodi buka problema ne’ebe Sira infrenta.
“Tamba ne’e ha’u apresenta nu’udar kandidatura ha’u dehan ha’u hakarak sai presidente Ida ne’be aktivu,presidente ida hamutuk ho povu no familia Timor laran tomak,Ita hamutuk buka solusaun ba problema ne’ebe Ita infrenta,inan-aman toos nain labele sai toos nain para sempre nia oan tenke sai matenek,Tamba ha’u mai husi familia ne’ebe simples kiak tan ha’u nia inan nia fiar no badinas ohin ha’u bele mai hamrik iha fatin Ida ne’e hanesan mos kandidata Ida ba Ita bo’ot sira,bainhira familia moris diak no komunidade moris hakmate nasaun bele sai forte,Timor atu sai di’ak no forte depende Ita hotu nia esforsu husu ba povo sira labele pasivu nafatin tenke aktivu iha prosesu Ida ne’e, desizaun ba votasaun Ida ne’e depende Ita bo’ot sira atu desidi. Imi nia votu ne’e importante ,loron sanulu-resin-sia(19) ba iha sentru votasaun sira para bele ezerse imi nia direitu atu nune’e bele ejize imi nia direitu iha tinan lima (5) nia laran.”
Hanesan koordenador ekipa vetoria ba Numero sorteo um(1) Dr.Loriano Ferreira haktuir”Timor-Leste husi Tutuala to’o Oecusse Mesak familia de’it bei-ala sira mai husi Loro hitu,Dato hitu,Mesak feton Naan de’it singnifika katak Ita Timor mesak familia Ida de’it,familia ne’e sai sentru importante ba Ita atu bele lori Ita Nia jerasaun sira ba moris di’ak,iha familia Ida nia laran iha Ita Nia vida lorloron iha inan aman oan avo,iha familia nia laran ne’e papel inan ne’e importante,hanesan mos nasaun Timor-Leste hanesan Uma kain boot Ida ne’ebe halibur Ita hotu iha laran,Ita presija inan Ida atu hambrik hodi fo orientasaun hamos ita nia Uma kain Timor-Leste.
Tempu ona ba Ita atu eskolha Numero um(1)hamutuk iha mehi Ida de’it ba pas,estabilidade no Moris di’ak,bainhira atu atinji pas estabilidade Ita presija aruma familia bo’ot Uma kain Timor-Leste Liu husi inan Ida Nia presensa,Mai Ita hamutuk iha domin no aksaun hodi lori pas ba sosiedade.”
Juliana Imaculada hanesan Liderasa komunitaria ba suku Manukasa, Sujere Be mos, Eletrisidade no estrada ba kandidatura Presidenti ho nomeru Sorteo um (1) iha, Aldeia Manukasa, suco manukasa, postu Liquidoe, Munisipio Aileu,Quarta- Feira (02/03/2022). Photo By: Zelia da Silva.
Iha fatin hanesan Juliana Imaculada hanesan Liderasa komunitaria ba suku Manukasa Expresa, “Suku Ida ne’e mos infrenta ba bee mos, Eletrisidade no estrada ne’e hasesan problema boot mai ami,ba ami nia kandidatura sira ne’ebe aban-bainrua atu ukun ba nasaun Ida ne’e tenke tau preoridade ba komunidade nia moris,komunidade la eziji buat barak maibe asesu ba saude,infraestutura,no hasa’e rendimentu basiku liu-liu iha familia no povu bele moris ho dignu.”Hakotu Juliana.
Discussion about this post