Reportagem :Melquianos da Silva
Molok hala’o kampainha loron dahuluk kandidatura Sra. Berta simu uluk matak malirin no simu bensaun husi Uma Lisan Soro Kraik Ainaro, Kandidatura Sorteo Numero Sia (9) Tau Esperansa Iha uma Lulik Rasik no fiar katak sei tama iha segundu ronde. Ritual ne’e nu’udar simbulu husi kultura Tradisional Timor nian.Atividade ne’e hala’o iha Soro- Kraik ,Posto Ainaro Villa,Munisipio Ainaro ,Tersa-Feira 01/03/2022.
Tuir konseleiru Màsimu Partidu Khunto Nai Morin Bukar informa. “ida ne’e kustume ida nu’udar ema Timor oan,kuandu ita iha preparasaun atu kandidatu ba iha Presidente da Republíka ita tenki halo tuir kultura ne’ebe ita iha”.
Konseleru Màsimu ne’e Afirma “Kultura sai hanesan identidade ba ema Timor oan Tomak,nune’e ema hotu tenki respeita,atu nune’e natureza ,ita nia lulik sira atu akompaña ita nia polítika ida ne’ebe agora dadaun ita la’o hela iha tempu badak ida ne’e ,nune’e buat hotu bele la’o ho di’ak ,hodi hare’e ba di’ak ba aban bainrua, tam-ba ne’e husi Mana Berta nian ho nia Fukun sira ,Nai Dato sira no Lisan ne’ebe mak husi Ainaro nian Liu-liu iha rai Soro-Kraik. Ohin kalan Armanda Berta Simu Bua ho Malus atu nune’e hala’o kampaña la’o ho di’ak “.
Iha fatin hanesan Armanda Berta Espresa. “Hau senti kontenti simu Matak Malirin husi uma lisan rasik ,deste inisiu ita labele husik hela de’it ita nia identidade nu’udar Timoroan ,tam-ba atu kaer ukun ba rai ida ne’e. “ Armanda Berta mós Informa katak, “Simu Matak Malirin husi Uma Lisan iha eperansa garante bele tama ba segundu Ronde.”
Discussion about this post