Reportajen: Robelson Cardoso
Iha Segunda Feira (28-02-2022), Konselhu Nasional Juventude Timor-Leste CNJTL, realiza asina Paktu Unidade Nasional, hamutuk ho Lider Juventude, Organizasaun partidu politiku sira
Husi deklarasaun ne’e, iha mandamentu hitu (7) mak sei hatuur iha paktu unidade Nasional hanesan bandu ida ka matadalan hodi banati tuir.
– Organizasaun Juventude partidu politiku, kaer metin prinsipiu no valores Unidade Nasional,hodi tane as interese Nasional,ba hametin siguransa no establidade nasional,iha teritoriu laran tomak, durante kampanha, no depois remata eleisaun Presidensial 2022.
– Organizasaun Juventude Partidu politiku defende legalidade Demokratiku, tuir prinsipiu multi partidaria, ne’ebe mak eskreve ona iha artigu 7, konstituisaun RDTL, hodi respeita ezistensia partidu politiku hotu hotu,iha Timor-Leste.
– Organizasaun Juventude partidu politiku,promove Direitus Umanus,no anti diskriminasaun kona-ba opsaun politika,relijiaun,rejionalizmu,rasa no jeneru,atu bele hetan konsensius, hodi hatur iha plata forma ida ne’ebe hotu-hotu hakarak,
– Organizasaun Juventude partidu politiku,kompremete no deklara ba Publiku katak, eleisaun Presidensial sei lao ho paz hakmatek trankuilidade.
– Organizasaun Juventude partidu politiku, kompremete no deklara ba Publiku katak, eleisaun sei lao ho livre,sekretu no direta.
– Organizasaun Juventude partidu politiku, Kompremete no deklara ba Publiku katak, kampanha no eleisaun Prezidensial,sei laiha aktus no jestus krimi, ka diskriminasaun,ho forma saida deit ho violensia, no amiasa husi ami nia militante, no simpatizante partidu nian.
– Organizasaun Juventude partidu politiku, haklaken paktu Unidade Nasional ida ne’e,ba kamada Juventude hotu, espesial Juventude Arte marsiais no Arte ritual, atu komunga prinsipiu no valores,ukun rasik an,hodi mai ho lema ida deit katak,hau nia disiplina kontribui ba establidade nasional.
Paktu Unidade Nasional ne’e hetan asina husi Lider Organizasaun Juventude Partidu Politiku CNRT, FRETILIN,PD,PLP,PDRT,FRENTI MUDANSA,PUDD,UDT,Asina deklaraun paktu Unidade Nasional,hodi garante establidade no paz iha eleisaun Presidensial,no Parlamentar iha Timor-Leste.
Prezidente Konselhu Nasional Juventude Timor-Leste,(CNJTL) Maria Dadi Soares Magno hateten. ” hanesan Organizasaun ida ne’ebe mahon ka sumbrinha ba kamada Joventude hotu, transforma husi prozudiku Loriku asuwain, ne’ebe mak naturalmente, Organizasaun ida ne’e mai husi Joventude rezistensia,
Organizasaun ida ne’e mos iha responsavel moral, oinsa mak atu hakuak ita nia Joven sira, liu-liu Joventude iha Partidu Politiku,
Ita hatene katak kada tinan 5, ita nia estadu realiza festa Demokrasia ne’ebe bo’ot,atu tama ba eleisaun Presidensial, no Parlamentar,CNJTL iha dever moral, oinsa maka akumula ita nia lider Joventude sira, atu bele iha komitmentu ba promesa ida ne’ebe mak, iha mandamentu 7 ne’e ba iha pakta ne’e rasik, liu-liu maka oinsa sira tane as liu intrese Estadu, no konsolida Unidade Nasional, alerta ba Joven sira atu partisipa iha eleisaun ida ne’e, ho livre komple ho sekreta, responsablidade ho ambiente paz no hakmatek ba Timor-Leste
Oragizasaun CNJTL ida ne’e, nia misaun importante, oinsa mak inkoraza motiva, no dudu ita nia foinsae sira, atu partisipa ativu iha prosesu, konstrusaun estadu no nasaun. Organizasaun ida ne’e independenti, para ita hodi hatene katak, Partisipasaun Joventude iha setor hotu
Ita nia fokus agora ne’e tama ba iha festa Demokrasia. ita sujere ba partidu politiku sira, maske mai ho ideologia,no programa lahanesan,maibe’e sira iha Objetivu ida deit, atu Timor bele moris diak iha justisa sosial, moris livre husi korupsaun nepotisme, moris ho dignu, komunidade bele hetan prospiu, liu-liu ba iha paz no establidadeIta mos hatene katak,dever prinsipal Joventude sira nian maka, oinsa konsilidade Nasional, defende no dezenvolve pais ida ne’e, misaun dever ne’ebe mak konstituisaun hatur ona, ida ne’e sai dever ba Joventude sira.
Durante ita rona katak Joven mak sai hanesan alvu ba violensia no krimi
Se ita hateke ho lolos, husi parte sikun barak katak,Joven mak autor dezenvolvimentu,Joven barak iha situasaun ne’ebe ke sira rasik hamrik,moris independente,iha ambiente diskusaun,sira Madura iha palku demokratizasaun
Ne’ebe iha metan mutin,iha ita nia prosesu dezenvolvimentu ne’e rasik, ita hatene katak kuaze ita nia demanda ida,Joventude ida ne’ebe desimpregu barak liu efeitu mai iha sosiedade,hanesan ita hatene katak, ema prega Joventude Artemarsiais, hanoin atu halo.”katak Maria Dadi Soares Magnu
Adjunto Sekretariu Jeral FRETILIN Eliu Gomes dehan,Husi Joventude FRETILIN,agradese ba inisiativa ne’ebe mak, diak teb-tebes husi CNJTL
” ne’ebe maka hakarak atu buka no halibur Joventude,partidariu sira hotu hotu iha Timor laran tomak, depois tau hamutuk kumprimisiu ida,atu garante Unidade Nasional establidade nasional durante periodu Politiku ida ne’e durante tempu preparasaun ba iha eleisaun, kampanha depois pos eleisaun
Ita hare katak Joventude mak sempre sai alvu, tamba ida Joventude FRETILIN hanoin katak, iha dunik nesesidade Joventude iha filasaun politika,atu nune’e bele halibur malu dunik,atu bele garante dunik, paz no establidade durante tempu kampanha.”katak Elio Gomes
Lider Juventude Partidu Politiku PLP Odelio Talo hateten.”Objetivu husi Surumutu ohin loron ne’e, atu asina paktu Unidade Nasional, husi Juventude partidu politiku sira ne’ebe atu fo sira ninia vontade politiku, sira ninia konsistensia atu hatudu mos ba publiku katak, Festa Demokrasia ida ne’e lao ho pasifiku, la ho violensia, no mos la ho diskriminasaun, liu-liu Kor, ras, no reliziaun Partidu ne’e hanesan instrumentu deit,ida ne’e lori ita ba kontribui diak liu,ba dezenvolvimentu Nasional.
Objetivu husi atividade ohin ne’e mos, atu hatudu ba Joventude artemarsiais no arti ritual sira katak, mesmu ita diferente iha ideologia Organizasaun, vizaun misaun, maibe’e atividade ne’e importante tebes, atu promove paz, promove, dezenvolvimentu atu fo susesu ba ita nia festa Demokrasia ida ne’e, liu-liu eleisaun Presidensial ne’ebe iha dia 19 de marsu 2022. No mos eleisaun lejislativa ne’ebe sei akontese iha tinan oin 2023 nian
Nune’e mak ami nia hanoin, hanesan Jerasaun futuru maka Joventude sira agora, nune’e ita halibur malu hamutuk, atu marka nafatin historia sira hanesan ne’e, atu bele reduz konflitu iha ita nia rai, atu bele fo pasu ba ita nia festa Demokrasia, ne’ebe lao ho diak liu tan, iha ita nia pais.”katak Odelio Talo
Discussion about this post