Reportagem; Virgilio Viana
Dr.Costansio Pinto mai ho ninia misaun no vizaun Ida hodi hapara povu nia terus no matawen no deklara ba publiku liu husi nia vizita regular bodi bele hatene klean liu tan saida mak povu sei infrenta iha area rural Sira. Dili-Domingo; 27/02/2022.
Iha fulan Janeiru to’o agora Dr. Costansio Pinto asume mos kargu nu’udar Diretor Ezekutivu Nasional ba entidade ida bolu Compact Development Team Timor-Leste ( CDT-TL) maka hala’o kna’ar espesifiku negosiu (EUA) hodi hetan fundos asesu ba apoiu finanseiru ba dezenvolvimentu ekonomiku husi EUA liu husi Agensia Dezenvolvimentu Autonomu ho naran Millenium Challenge Corporation (MCC).
kandidatu Prezidente Republika Dr.Costansio Pinto, hateten. “ Objetivu Soru mutu ida ne’e hodi deklara publikamente kona-ba ha’u nia kandidatura ba Prezidente Republika ba periodu 2022-2027, tuir ita hotu hatene katak tuir Konstituisaun Prezidente da Republika nia mandatu mak atu garante Konstituisaun, garante Unidade Nasional no Funsionamentu normal Estadu direitu Demokratika. Hare’e ba, Timor-Leste nu’udar nasaun ne’ebe foin restaura ita nia Independensia tinan 20 nia laran de’it, nune’e Estadu hasoru dezafius oi-oin povu sei moris mukit hela, veteranus barak se’idauk hetan moris ho dignu, joven barak sei hetan edukasaun ho kualidade, laiha kampu servisu no seluk Tan.”
Dr.Costancio Pinto mai ho vizaun no misaun rua ne’ebe hakarak atu hapara povu nia terus no matawen maka ida ba Estadu hodi hametin Estadu de Direitu Demokratika no ida seluk ba povu hodi hapara povu nia terus ho matawen. hodi transforma Timor-Leste sai nasaun ida ne’ebe Forte, Seguro, Demokratika no Riku.
“Iha tinan hirak Liu ba, ikus ne’e ita hasoru dezafiu lubun ida.Estadu hasoru impase politika iha ne’eba tinan rua ou tolu nia laran, dezastre naturais no COVID-19, situasaun hirak ne’e hotu sai dezafiu hodi hametin Estadu Denokratika no hapara povu nia terus no hamaran povu nia matawen, hodi esforsu ba promove dialogu entre lider istoriku, partidu politiku Sira, povu tomak hodi hamihis dezentedimentu politika no halakon empase politika iha formasaun Governu nian, nune’e mos promove dialogu permanente ho Orgaun Estadu nian, liu-liu Parlamentu Nasional, Governu no Tribunal hodi garante funsionamentu Estadu nian konstituisaun haruka.”
Dr. Constacio Pinto, promete ba povu no apoiantes sira sekarik povu fo fiar sai eletu ba Presidenti RDTL Timor – Leste ba 2022 – 2027. Sei halo nia vizita regular ba Munisipio, Postu, suku no Aldeia sira. Odamatan sei nakloke ba povu iha nia gabineti.
“Hau sei buka hakbesik Estadu ba povu liu husi vizita regular ba Munisipio, Postu, suku no Aldeia sira. Odamatan sei nakloke ba povu hodi oferese loron ida hodi simu povu iha Gabinete hodi rona povu nia Lian. Mantein ho Komunikasaun ho partidu politika sira ne’ebe la iha asuntu iha Parlamentu Nasional, Sosiedade Sivil, Sektor privadu no parseiru dezenvolvimentu Sira.” Katak Dr. Costancio Pinto
Ekipa sussesu Sr.Adi pinto, esklarese. “Dr. Costancio Pinto ema ne’ebe Rezistennsia merese duni tmba iha nivel Diplomasia senior rekonhese mos husi maun bo’ot Xanana Gusmao katak iha kapasidade,husi idade joven bele organiza ona ema iha Europa sira hodi apoiu Xanana iha tempu Rezistennsia nia laran. Tempu to’o ona povu hotu matenek no kolen ona atu fo votus ba maun bo’ot Sira nafatin para halo konflitus ga see hirus matan ou hatudu liman ba malu, tamba ita ba maka fo votus ba sira, agora tenke halo mudansa ba iha povu votus no puder ne laos uja hodi halo konflitu nafatin. Ema ne’ebe uluk Servisu direitamente ho Sira maka Dr. Costancio Pinto no Eng.Mariano Assanami maibe ko’alia kona-ba senior ne’e Dr. Costancio Pinto maka senior.” Katak Adi Pinto. “Dr.costancio Pinto maka ema ne’ebe Instala Embaixada Timor-Leste iha America hodi kobre Nasaun Canada, Mexico no Cuba.”
Iha fatin hanesan Reprezentante Lider suku Sowa-Laga sr. Abel Castro, expresa. “ Hauhato’o hau nia respeitu ba Dr. Costancio Pinto no orgulho bele hakat mai iha kampu Dailari hodi deklara ba publiku ba kandidatu la’os ho partidu maibe independente ba Eleisaun prezidnte iha periodu 2022-2027 no ha’u nudar lider suku la’os mete ba partidu politika maibe tuir misaun tenke independenti labele hare’e ba Cores partidos.” Tenik husi Abel Castro
Discussion about this post