Profesional Saude Apoiu Kandidatura Sorteu Sia (9)

Reportagem : Melquianos da Silva

Klibur profesional Saude deklara ba publiku hodi fo apoiu ba kandidatura presidenti  da Republika ho numeru sorteo sia (9) deklara liu husi konferensia da imprensa. No atividade ne’e halao iha salaun Esperansa  Elemloi, Delta, Dili, Timor- Leste. Sesta – Feira. (25/02/2022).

Tuir porta-voz klibur profesional (KPS) Celina Araujo da Costa  Exposto  informa. “Mana Berta hanesan feto ida neebe brani duni atu liberta povu doben Timor-Leste ho esperiensia servisu neebe durante nee nia halao ona,Mana Berta dos Santos hanesan feto klandestina ida neebe luta ba independensia Timor nian inklui nia aan iha organizasaun kladestina Fitun hamotuk ho nia membru sira seluk iha Timor-Leste hanesan mos autor neebe hamrik hodi luta no fo nia kontribusaun real ba ukun rasik aan Timor-Leste nian,hanesan vise OMPT organizasaun Fitun nian.Katak  porta-voz.”

Celina hatutan. “ Iha tempu ukun rasik aan to ohin loron Mana Armanda Berta dos Santos fo ona nia kontribuisaun lubuk ida ba nasaun ida nee no realidade hatudu ona husi nia resultadu husi obras sira neebe nia halo ona.

Alende nia halao ona nia knaar hanesan presidente partidu KHUNTO .Mana Armanda Berta hola parte ona husi parlamentu nasional hanesan deputada xefi bankada KHUNTU,agora dadaun asumi kargus prinsipais hanesan primeira vise ,primeira Ministra no Ministra solidariedade no inklujaun no iha fevereiru fulan ida nee ho ajensia  sua exelensia Primeiru  Ministru Taur Matan Ruak,Dra.Armanda Berta dos Santos mos sai hanesan primeira feto neebe asume kargu primeira Ministra Interina iha nasaun RDTL ida nee.

Porta  vos Celina haklean liu tan,”Durante asume kargu hanesan Vise Primeira Ministra  neebe hare liu ba seitores saude ,Edukasaun no Sosiais .Ami haree laiha duvida ho nia kapasidade atu resolve no buka solusaun ba problemas sira neebe iha hamotuk ho Ministra Saude ,Ministro Edukasaun  no Ministro Solidariedade sosial ,liuliu hare ba iha moras pandemia covid19 no agora dadaun hasoru hela moras dengue hanesan moras Endemika Timor nian.

Tuir ami nia hare durante nia asume kargu hanesan MSSI Mana Berta dos Santos hatudu nia resultadu obras servisu neebe diak.

Tan nee ami klibur profesionais saude iha momentu ida nee,ami afirma ami nia pozisaun firme hodi fo apoiu tomak 100% ba ami nia kandidatura Mana Armanda Berta dos Santos hodi kompete iha eleisaun prsidensial ba periodu tinan 2022-2027 neebe sei halao iha loron 19 fulan Marsu tinan ida nee .Viva Feto Timor -Leste ,Feto Forte nasaun Forte,viva Mana Armanda Berta ,viva povu Timor-Leste “haklalak husi Klibur Profisionais  Saude.”