Reportazen: Robelson Cardoso
Instituto Para a Defesa dos Direitus da Crianca (INDDICA), iha Kinta Feira (24-02-2022),hala’o Pres konfrensia iha MSSI,koalia kona-ba Partisipasaun labarik iha kampanha eleitoral
Konstituisaun RDTL,no tratadu sira kona-ba Direitu labarik nian, koalia kona-ba papel Familia, komunidadae, no estadu,atu halo protesaun no Dezenvolvimentu, no promove partisipasaun labarik iha moris Publiku nian
Prezidente (INDDICA),Dinorah Grandeina ba Jornalista sira hateten, “ Festa demokrasia ba dala 5 besik dadauk ona,situasaun siguru durante kampanha, Partidu politiku nian mak, fator determina atu fo konfiansa ba povu,hodi hili ho konsiensia ba partidu politiku ne’ebe sira fiar, iha nia ideolojia no nia programa
Iha periodu kampanha, kandidatura sira no partidu politiku hotu, hahu husi eleisaun jeral 2001 to’o eleisaun jeral 2007,2012, movimentu labarik kontinua a’as,
Fenomena ida ne’e, tenki hare hanesan situasaun importante, tamba kampanha husi kandidatu no Partidu Politiku nian mak,uniku festa demokrasia,ne’ebe akontese mobilizasaun massa a’as.
Organizasaun Non qovernamental sira ne’ebe,servisu ba monitorizasaun eleisaun sira liu ba, halo dokumentasaun no relata katak, labarik barak mak involve iha kampanha, balu abandona eskola hodi ba tuir kampanha, Organizasaun sira ne’ebe halo konkluzaun katak, involvimentu labarik nian iha kampanha,sei kontinua sai vitima durante periodu kampanha
Menus konhesimentu Publiku,kona-ba Direitu labarik nia partisipasaun iha Politiku, no menus konsiensia eletoral, kona-ba atitude Demokratiku, sei nafatin sai hanesan impedementu.
Tau ba konsiderasaun aspetu sira ne’e hotu mak,(INDDICA) instituto para a defesa dos Direitus Das Crianca, hamutuk ho nia parseiru hotu, ne’ebe servisu ba direitu no protesaun ba labarik,rekomenda ba kandidatu Partidu Politiku no entidades sira hotu, atu asegura no fo protesaun ba labarik husi risku sira, durante periodu kampanha eleisaun, no rekomenda katak,Kandidatu no Partidu Politiku,Buka atu asegura katak atividade kampanha lao laiha violensia
partidu politiku sira asegura katak, durante periodu mobilizasaun massa, sei la mobiliza labarik ba kampanha, no sei halo kontrolu makas ba foin sa’e sira,atu evita risku ba violensia materia kampanha nian, tenki fo mensajen ezekutivu kona-ba kria paz,no evita uza linguajen ne’ebe provoka violensia.
INDDICA husu ba Polisia no ekipa Organizasaun kandidatura, no Partidu Politiku nian, hodi kria mekanizmu atu labele, husik labarik tama iha area kampanha Politiku nian, no halo Komunikasaun ho baze,hodi informa komunidade lokal,kona-ba bandu partisipasaun labarik.
Polisia tenki halo kontrolu masimu ba transporte hotu, kandidatu no Partidu Politiku sira, uza hodi halo mobilizasaun, hodi evita lori kroat no alkohol,no prevene violensia
Motiva ekipa Organizasaun kandidatu, hodi halo area espesifiku iha fatin kampanha, partisipasaun ba inan sira ne’ebe kous bebe, no asegura area refere iha mahon.
Iha konferensia imprensa ne’e INDDICA husu ba inan, Aman no mahein sira labele utiliza labarik sira ba faan sasan.
“Inan aman no mahein,labele utiliza labarik sira fan sasan, iha tempu kampanha
Haburas nafatin sentimentu ba malu, no labele fahe labarik sira nia amizade,tamba diferensia politika husi familia sira.”
INDDICA husu ba Direjente Eskola no Professor Professora sira keta fo lisensa ba estudante sira iha tempu kampanha, no husu mos media sira halo kobertura ho imparsialidade.
“Asegura kontinuasaun husi prossesu aprendizagem, durante tempu kampanha,no rezistu infrasaun disiplinar ba Professor, ne’ebe la marka prezensa, profesor mantein kumprimisiu atu labele abandona labarik iha tempu kampanha, labele fo lisensa ba alunus sira atu ba partisipa kampanha, durante prossesu aprendizajem.
ho esesaun husi estudante ne’ebe eleitural iha ona tinan 17 ona. Ba labarik sira labele partisipa kampanha, durante prossesu aprendizagem, Kuidadau imi nia isin lolon,no karik sai vitima violensia, hetan hodi informa ba inan aman ka, ema adultu sira
Media no Komunikasaun Publiku hotu, tenki kontinua halo kobertura imparsial no kritiku, kona-ba partisipasaun labarik, durante periodu kampanha
Sosiedade sivil,no Relijiozu sira, Igreja apoiu nafatin fahe informasaun kona-ba direitu labarik, no bandu partisipasaun durante tempu kampanha.”katak Prezidente INDDICA Dinorah Grandeina
Discussion about this post