Komisaria CNE, Sra, Odete Maria Belo esplika ba le’e no rona Radio Rakambia kona-ba lalaok no objetivu husi kampaina eletoral. Studio Radio Rakambia, Kampung – Alor, Dili, Timor – Leste. Sesta – Feira. (18/02/ 2022).
Reportajen: Gustavo Belo Soares
Kampaina eletoral sei akontese iha 02 , Fevereiru to’o loron 16 Marsu 2022. no loron rua ne’e sei silensiu nune’e tama iha loron 19 sei iha votasaun. Objetivu husi kampaina eletoral atu atrai simpatia eletores sira dipojita sira nia konfiansa kada kandidatura.
Komisaria CNE, Sra, Odete Maria Belo iha oportunidade ne’e hato,o ba rona nain Radio Rakambia kona-ba objetivu husi kampaina eletoral liu husi frequensia FM. 99.4 MHz
“Kampañia eleitoral ne’e fázparte hosi implementasaun festa Demokrasia, tambá hó objektivu ida katak kampañia eleitoral ne’e atu atrai simpatia eleitor sira atu nune’e iha loron eleitor sira bele dipojita sira-nia konfiansa kada Kandidatu sira . Tuir lei Art. 27 no 15/2021 hateten katak periodu kampañia eleitoral sei hahú iha loron 15 nia laran, komesa husi loron 2 fulan marsu to’o loron 16 fulan marsu, no loron rua ne’e sei silensiu nune’e tama iha loron 19 sei iha votasaun.”
CNE fo limitasaun lubuk ida ba kandidatura presidenti periode 2022 too 2027.
“Bu’at ne’ebé mak bandu durante kampañia eleitoral ne’e mak iha, primeiru (1) kandidarura sira labele uja sigla/simbolu husi kualker kandidatu sira-nia sem iha autorizasaun, segundu (2) bandu labele uja liafuan ka hakerek/pintura kontra estadu RDTL no terseiru (3) bandu labele ko’lia liafuan violensia, bandu labele hasai liafuan rasa, sesksu, idealojia, relijiaun, pozisaun ne’ebe mak kontra direitus humanus.
Agora ida tan fali bandu kampañia eleitoral hahu husi oras tuku 8 dader to’o tuku 6 ho balu lorokaraik, maibe labele menus husi tuku 8 dader i liu fali tuku 6 lorokraik, i bandu atu labele koloka material propoganda iha sinais tránzitu, idan tan lei bandu atu kandidatu sira labele halo durante iha kampañia eleitoral maka notifikasaun ka promesa ka halo ameasa iha intimidasaun ba iha eleitor sira, bandu labele utilija viatura estadu sira (motor/kareta ) durante halo kampañia eleitoral, bandu artidores kampañia iha sede soberania sira iha sede rezidensia ofisial titular orgaun soberania sira ou instalasaun militar estabelesimentu prizaun ou fatin reliziaun sira no sede reprezentante deplimátika no konsular, Instalasaun CNE no Stae ninian i koligasaun labele utilija naran no símbolu estadu no material propaganda eleitoral no atividade kampañia eleitoral, ida-ne’e iha prosesu kampañia nian laran, lei mós bandu kandidatu sira simu finansiamentu hosi fontes sira hanesan, empreza públika ou hanesan EDTL, RTTL ka gráfika nasional sira ne’e lei bandu atu kandidatu sira simu osan husi fontes sira ne’e hodi hala’o aktividade kampañia eleitoral.
Ida tan maka asosiasaun profesional sira i fundasaun sira mak hanesan fundasaun Alola ka fundasaun Mahein, sira ne’ebé mak ezisti iha país ida ne’e, no kandidatu sira labele simu osan husi ema koletivu ka ema estranzeiru sira, ida-ne’e mak lei bandu kandidatu sira labele halo iha kampañia eleitoral nian laran.” Katak Komisaria CNE
Komisaria CNE hatutan,” Depois Prezidente Repúblika dekreta Públika data eleisaun iha loron 15 fulan janeiru, kandidatu sira hahú hatama ona sira-nia lista kandidatura bá iha tribunal rekursu, ne’e hamutuk 17 kandidatura, feto 4, mane 13, maibé depois prosesu verifikasaun kandidatu nain 16 mak pasa/liu, prosesu ida-ne’e kandidatu ida mak la admiti tambá la priense rekezitu ne’ebé mak iha katak rekollia dadus eleitores iha kada munisípiu sira, nia la foti dadus apoiantes sira kada 100 iha munisípiu sira, iha primeiru rekursu munisípiu 3 maka nia lapriense rekezitu maka munisípiu Liquisa, Manufahi no Viqueque, depois desizaun husi tribunal mak foin lista definitivu ne’e sai no númeru sorteiu ne’e iha ona lista definitivu ne’e tun tiha ona iha loron 17 fulan fevereiru.”
Iha talkshow refere Komisaria CNE fahe mos informasaun kona-ba paktu eleisaun pasífiku iha kada munisípiu. Objektivu paktu atu kumpri komprimisiu eleisaun pasifika hodi garante asegura prosesu eleisaun ida-ne’ebe ho livre justu no dame haktuir prinsipiu lei sira neebe hatuur tiha ona iha konstituisaun RDTL.
Katak Komisaria Odete.”CNE ho RAEO halao formasaun intensivu autoridade munisípiu inklui lia-nain sira konabá paktu eleisaun pasífiku iha kada munisípiu, objektivu paktu atu kumpri komprimisiu eleisaun pasifika hodi garante asegura katak prosesu eleisaun ida-ne’e livre justu no dame haktuir prinsipiu konstituisaun no lei sira i entidade ne’ebé mak partisipa serimonia paktu eleisaun ne’e mak hanesan prezidenti autoridade munisipal sira, PNTL, F-FDTL, Administrador postu, Ekipa Susesu, PDHJ, partidu polítiku sira, Veteranu sira, Joventude sira, Sosiedade Sivil no Sefi Suku sira, ida-ne’e mais ou menus partisipante sira sei partisipa iha paktu eleisaun pasífiku ne’ebé sei hala’o iha kada munisípiu iha loron 23 ho 24 i sei nasionalmente sei asina paktu refere iha loron 28 marsu 2022, ida-ne’e mais ou menus objektivu husi paktu eleisaun pasífiku.”
Discussion about this post