Ropertajen: Gustavo Belo Soares
Iha tinan ida ne’e CNE no STAE hala’o preparasaun Maka’as ba festa demokrasia ne’ebe sei monu iha 19 Marsu 2022 ba kandidatura hamutuk ema 16 ho diak los kompara ho festa demokrasia iha tinan hirak liu ba. CNE no STAE fahe eletor sira tuir ida idak nia munisipiu no mos sentru votasaun paralelu 3 refere.
Iha oportunidade ne’e komisaria CNE Sra.Maria Odete Belo, esplika kona-ba lalaok prepasaun ba kriteria no fatin paralelo tolu (3) hateten.” Data rejistu bá sentru votasaun paralelu hahu iha loron 18 fulan fevereiru to’o loron 3 fulan marsu 2022.
Kritéria hirak ne’ebe atu rejistu mak, tenki halo ona karta resensiamentu eleitoral. Eleitor ne’e elejivel bá rejistu iha fatin designadu ne’ebe iha, ida mak iha Ministéiru Saúde, Edukasaun Funsaun Públiku no STAE.
Ba sira ne’ebé maka moras iha uma bele rejistu iha minitéiru saúde maibe tenki lori deklarasaun ida husi hospital ka klínika hanesan karta akompañiamentu. Ida iha edukasaun ne’e, ba estudante sira, hetan deklarasaun husi sira-nia eskola katak sira labá tambá sira preokupa ho sira-nian eskola, sira sei barejistu iha edukasaun, agora funsionariu públiku sira lafila ba sira-nia munisípiu ne’e, sira sei rejistu iha sira-nian kada instituisaun, sira sei haruka bá komisaun funsaun públiku, komisaun funsaun publiku mak sei haruka bá Stae, ida tan mak ema sira ne’ebé, mai buka servisu iha kapital, sira labele fila, sira mos bele foti deklarasaun iha suku ne’ebé sira hela bá, hodi ba rejistu iha Stae nasional ida ne’e sira tenki aprezenta estadu médiku kona-bá impedimentu deslokasaun iha loron hanesan ba resensiamentu eleitoral orijin, priense formulariu rejistu sentru votasaun paralelu aprezenta kartaun eleitoral.”
Alende ne’e CNE no STAE mos stablese sentru votasaun paralelu 3 iha Dili atu fasilita eletores hirak ne’ebe mak durante ne’e ba vota iha munisipiu. Sentru paralelo 3 ne’e sei fahe tuir munisipiu ida idak nian.
“Sentru votasaun sei estabelese iha fatin 3, iha parte leste, Oeste no mós rai-klaran. Parte Leste ninian maka munisípiu Lauten, Baucau no Viqueque, ne’ebé mak sei vota iha fatin refere. Iha sentru rai-klaran nian mak, eleitore sira husi munisípiu Manatutu, Liquisa, Ai-Leu, Ermera no Atauru sira sei vota iha parte rai-klaran, iha parte Oeste ninian maka eleitore sira ne’ebé husi munisípiu Ai-naru, Bobonaru, Covalima, Manufahi no RAEO mak sei vota iha ne’eva.
Objektivu husi estabelesimentu sentru votasaun paralelu ne’e, atu fasilita eleitor sira ne’ebé maka impedementu atu fila bá vota tuir unidade jeografiku resensiamentu eleitoral sira iha eleisaun, hanesan ita hotu hatene katak iha eleisaun kada periodu liu bá iha preokupasaun Sira ne’ebé maka iha, husi eleitor rasik hanesan, estudante, funsionariu sira no mos ema sira ne’ebé mak preokupa tebes sira-nia servisu sira labele fila bá sira-nia munisípiu. ho ida-ne’e maka legislador sira hanoin katak presija halo alterasaun lei ida atu nune’e bele fasilita eleitor sira ne’ebé lakonsege fila ba sira-nia munisípiu, fatin sira ne’ebé maka resensia eleitor bá hodi ejerse 2sira-nia votu iha me’ebá, tambá ne’e maka sira halo alterasaun lei sentru votasaun paralelu iha Dili, kriteria husi ezistensia sentru votasaun paralelu maka tenki eleitor rejistradu ne’e mínimu eleitor 100.” Katak Komisaria Odete.
Discussion about this post