MJMND Fo Apoiu Masimo Ba Mariano Assa-Nami ba iha Elpres 2022-2027

Reportagem:Virgilio Viana

Movimentu Juventude Maubere Nasional Demokratiku (MJMND) afirma nia pozisaun hodi deklara ofisialmente atu submete nia konfiansa no apoiu tomak ba kandidatura Xefe-Estadu periodu 2022-2027. Eng. Mariano  Sabino Lopes “Assa-Nami”. Kaikoli, Dili- Sabado; 19/02/2022.

Portavoz Denilson Savio M. Da Silva, hateten.”Movimentu Juventude Maubere Nasional Demokratiku (MJMND), nu’udar organizasaun masa juventude Ida ne’ebe eziste hodi halibur foinsa’e maubere oan tomak hodi luta ba interese Estadu nian no prosperidade povu doben ida ne’e nian. Hahu kedas iha 2018 to’o ohin Loron movimentu hamrik nu’udar forsa Ida atu reforsa Partidu demokratiku iha aspeitu oi-oin, liu-liu mobiliza rekursu hodi fo vitoria ba PD. Relativamente ita nia konstituisaun define katak priorikamente Republika Demokratika Timor-Leste sei realiza eleisaun ba orgaun soberania Sira liu husi sufrajiu universal.”

Ba eleisaun prezidensial tinan Ida ne’e, publiku tomak hatene, Partidu Demokratiku nomeia ona nia Manu Aman Eng. Mariano  Sabino Lopes, “Assa-Nami” hodi kompete mos iha eleisaun prezidensial, ho nesesidade tomak Estadu no Povu  Ida nian maka, Movimentu afirma nia pozisaun hodi deklara ofisialmente atu submete nia konfiansa no apoi tomak kandidatu Xefe – Estadu periodu 2022-2027.”

“Desizaun ida ne’e foti, hafoin obeserva husi sirkunstansia hotu-hotu, Orgaun tomak MJMND nian tetu mos ho nia ideia no ezizensia konstitusional sira, ne’ebe Preve iha artigu 74°, Konstituisaun RDTL katak;  Prezidente Republika maka Xefe Estadu simbolu no garantia independensia nasional no unidade Estadu nian, no instituisaun Demokratika Sira nian funsionamentu regular. Prezidente Republika maka Komandante A’as liu Forsa nian.” Katak Denilson Savio.

Alende ne’e Prezidente MJMND Leo da Costa “Lemorai”  “apresia ba Eng.Mariano Sabino Lopes “Assa-Nami” nu’udar jerasaun foun Ida  wainhira nia kandidatu an tam-ba nia fiar joven Sira, hodi nune’e  tempu mos to’o ona atu fo apoiu ba nia, tam-ba ne’e mak movimentu nia ezistensia hakarak atu avansa fo apoiu total ba Mariano “Assa-Nami”  tuir politiku ne’ebe bai-bain sai iha Parlamentu no media sira ema hotu sempre rona katak “Assa-Nami”  maka sai ba autor Dezenvolvimntu nian. ho ida ne’e nu’udar kordenador orienta ba movimentu hotu hakarak  servisu hodi avansa ba oin.” Katak Leo da Costa.