Reportagem; Virgilio Viana
Grupu ambulante ho inisiativa hakarak deklara ba Publiku fo apoiu masimu ba Jeneral Lere Anan Timur ba Prezidente Republika periodu 2022-2027 hodi bele hakotu impase politiku ne’ebe dada naruk too mai agora. Bidau, Dili, Timor -Leste. Domingo; 20/02/2022.
Porta voz Fernando F. Gama, hateten,” Jeneral Lere Anan Timur maka bele asegura Nasional ba periodu krusial 2022-2027, tamba durante asume kargu hanesan Xefe – Estadu Maior F-FDTL konsege asegura estabilidade Nasional ka seguransa Nasional maske ho impase politiku ne’ebe naruk, ami fiar katak ho kualidade Lere Anan Timur nian maka iha potensia hodi bele unifika lider Nasional ne’ebe iha diversensia, politiku liu husi dialogu Nasional no bele hakotu impase politiku ne’ebe dada naruk to’o mai agora, ami alerjia ona ba partidu politiku no lider Nasional sira ne’ebe hakarak hatun no hasa’e malu ka hakarak sobu malu tam-ba de’it sira nia intrese hodi sakrifika povu em jeral.
Ami ho konsensia rasik fo apoiu ba Jeneral Lere Anan Timur ba Prezidente Republika periodu 2022-2027 tam-ba ami sente ona impase politiku ne’ebe lansa husi partidu politiku hodi xhumba orasmentu iha Parlamentu Nasional nia efeitu negativu barak hanesan fa’an ikan, Nu’u no modo la folin, hodi difikulta ami nia rendimentu ne’ebe menus no susar ba ami nia ekonomia uma laran, hodi bele hetan fila fali esperansa foun atu bele fo tempu ba Governu hodi hadia ekonomia iha rai laran ho sustentavel ho potensial no bele kria estabilidade Nasional hodi nune’e ami vendedores sira bele halo negosiu ho hakmatek no trankilu hodi bele hadia ekonomia uma laran.”Katak Fernando Gama.
Discussion about this post