CNE NO STAE SEI INSTALA SENTRU VOTASAUN PARALELO TOLU (3) IHA MUNISIPIU DILI

Reportazen Robelson Cardoso

Iha edifisiu RKM,kinta Feira (10-02-2022)   Diretor CNE Munisipiu Dili, Adelino Oliveira Maia,dadalia ho Jornalista RKM dehan,Comisaunn Nasional de Elisaun (CNE)  kordena ho ESTAE, sei instala sentru votasaun Paralelo (3) iha Munisipiu Dili, hodi fasilita sidadaun ne’ebe lakonsege fila ba  nia Munisipiu,sira ne’ebe hanesan estudante, funsionario inklui komunidadae fila liman sira, hodi bele hetan sira nia direitu iha eleisaun eleitoral.

Katak Diretor CNE Munisipiu Dili, “Alterasaun Lei Art. 15/2021 fo biban ba  Sentru Votasaun Paralelu tamba ne’e sei stablese iha fatin 3 iha Dili laran, mak iha parte leste tau iha STM Becora ne’e oferese ba eleitores hirak ne’ebe mai husi Munisipiu Lautem, Baucau no Viqueque.

Parte husi rai klaran nian sentru votasaun paralelu  sei tau iha GMT ba eleitores hirak ne’ebe mai husi munisipiu Liquica, Manatutu, Aileu, Ermera no Atauro.

Parte husi Weste sentru votasaun paralelu  sei tau iha INAP sentru refere sei oferese ba eleitores sira ne’ebe mai husi munisipiu Ainaro, Bobonaro, Covalima no Raeo.

Maibe’e tenki kumpri ba regras sira hanesan tenki foti deklarasaun ihà skolah, Suku no Funsaun publiku, se estudante ba foti deklaraun husi eskola Ensino superior, komunidade emjeral  sira ne’ebe, mai buka moris hanesan   negosiu iha Dili, tenki ba foti deklaraun iha Sede suku ne’ebe sira hela ba, atu nune’e justifika duni sidadaun ida ne’e hela iha ne’eba ka lae, depois lori ba rezistu iha Postu administrativu, tamba ekipa ESTAE sei koloka nia ema ba iha postu administrativu, atu atende sira ne’ebe mak mai buka vida negosiu iha Dili.

Inklui mos funsionario  sira ne’ebe lakonsege fila ba sira nia Munisipiu, tenki ba foti deklarasaun  iha Funsaun  publiku, hodi ba rezistu iha STAE,  bainhira sira ba vota  Otamatikamente sira nia naran mosu ona iha Sentru votasaun. Atu nunee bele fasilita ba eleitores hirak neebe la konsege fila ba sira nia Munisipiu.

Iha biban ida ne’e hakarak informa ba eleitores hirak neebe mai husi 12 mumisipiu keta haluha ba rejistu iha STAE loron no data neebe deterimna ona. “Data ba  rejistu  iha 18 de Fevereiro to’o  3 Marsu 2022.”

Diretor CNE Munisipiu Dili  hatutan.”Sentru votasaun Nasional iha 13 Munisipiu inklui RAEOA hamutuk rihun ida atus rua (1200), no estasaun de votus hamutuk rihun ida atus lima (1500).”katak Diretor CNE Munisipiu Dili