Reportazen; Virgilio Viana
Comisaun Nasional Elisaun (CNE) halo kordenasaun intensivu ho entidade Sira hodi hala’o Serimonia Eleisaun Pasifiku halai liu ba kultura ninian sei konvida lia nain sira ne’ebe pertense ba Munisipio Dili, inklui parte Metinaru nian balun, hodi halao serimonia ritual iha CNE munisipio Dili loron 24- Fevereiru 2022. Diretor CNE hato’o lia hirak nee bainhira hala’o vizita mai knua Radio Rakambia, Dili Quinta-feira loron 10/02/2022.
Director CNE Munisipio Dili Sr. Adelino de Oliveira Maia hateten “CNE Munisipio Dili halo kordenasaun intensivu ho entidade relevantes sira iha munisipio hanesan Prezidente Autoridade, Comandante PNTL no Secretario Estado Arte e Kultural, oinsa atu ko’alia kona-ba preparasaun ba paktu eleisaun pasifiku nivel munisipiu espesialmente iha munisipiu Dili sei konvida ekipa sussesu ba konkorentes kandidatura eleisaun presidensial sra nian ho koredenador kada kandidatu nian iha munisipiu Dili oinsa para atu halao Serimonia.
Alende ne’e serimonia paktu eleisaun pasifiku sei halai liu ba kultura ninian sei konvida lia nain sira ne’ebe pertense ba munisipio Dili nian husi lia nain lakoto, karketu mota ain, Bidau manu meta, inklui parte metinaru sira nian konvida lia nain sira ne’e mai halo serimonia ritual iha CNE Munisipio Dili.
Objetivu husi paktu ne’e durante periode kampanha eleitoral loron 15 ba eleisaun Prezidente da Republika nia kandidatu Sira hodi labele insulta malu, labele hasa’i liafuan kro’at sira ne’e hotu atu nafatin kaer prinsipiu Ida dame ho paz nune’e sidadaun Sira bele hakmatek tam-ba dala barak mosu wainhirat tama periodu kampanha sempre mosu problema, tam-ba ne’e maka CNE ho inisiativa Ida hodi organiza serimonia paktu eleisaun pasifiku iha munisipiu sira hotu inklui munisipiu Dili.”
Tuir kalendariu ne’ebe maka sei realiza serimonia Paktu Eleisaun Pasifiku iha munisipio 7 sei hahu iha loron 23-02-2022 no loron 24-02-2022 husi Munisipio Dili inklui Munisipio 5 serimonia sei hala’o iha edifisiu CNE.
“Depois nivel munisipio hotu CNE mos sei halao aktividade hanesan nafatin Paktu eleisaun pasifiku ne’e sei hala’o iha nivel Nasional sei konvida mos lia nain munisipio 13 sei konvida mos kandidatura sira ne’ebe maka konkore iha eleisaun, no entidades Sira maka Asesor sr.Prezidente Autoridade, Komandante PNTL, PDHJ, F-FDTL, Prezidnte CNJTL, inklui Xefe – Suku sira.” Katak Diretor CNE munisipiu Dili.
Discussion about this post