Reportazen Robelson Cardoso
Vasina COVID-19 Pfizer BioNTech, sei ajuda vasina labarik sira idade entre tinan 12 to 18 mai kraik, no utiliza ba booster reforsu ba adultu sira 18 ba leten, atividade ne’e hala’o iha VIP Aeroportu Nikolau Lobatu Komoro,(29-01-2022).
Hahu loron dahuluk husi pandemia COVID-19, UNICEF ho Australia dezempenha papel kritiku,hodi apoia Governu Timor-Leste no Ministeriu Saude,hodi hatan ba COVID-19 no mos implementasaun vasinasaun COVID-19,UNICEF kontribui hatan ba pilar ne’en (6), no iha papel hodi lidera hamutuk sub-komite balu, husi planu implementasaun vasina nasional, fornese orsamentu apoiu tekniku no rekursus lojistiku sira
Governu Australia no fundus nasoens unidas ba labarik,(UNICEF sigla inglesh) intrega ona ohin loron, vasina Pfizer BioNTech doze 259.740, ba Governu Timor-Leste doze vasina sira ne’e, hola parte Pfizer BioNTech 1.260.090,Mak UNICEF intrega liu husi parseiru ho Governu Australia
Parseira ho Governu Australia UNICEF apoia ona kaizasaun vasina sira, fortalese ona sistema kapasidade kadeia malirin, hadia programa konsientizasaun ba komunidade, hodi hasae kobertura vasina, apoia distribuisaun vasina to’o ba iha pontu vasinasaun sira,no estabelese jerensiamentu relasionadu ho COVD-19.
Ministra Saude Maria Odete Freitas Belo ba jornalista sira hatete,Povu Timor-Leste benefisia ona husi zenerozidade Australia nian, durante difisil sira kumpri ona promesa, hodi fornese vasina pursentu 80 ba populasaun elezivel pais ne’e
Alende ne’e vasina Pfizer doze Millaun 1,2, Governu Australia oferese ona vasina Astrazeneka 777.850 mai Timor-Leste.
Enkaregadu Embaixadora Australia iha Dili Suzanne Wilson Uilelea dehan, “Governu Australia oferese ona Millaun 3,5 liu ba parseiru saude sira, inklui UNICEF no OMS, ba apoiu implementasaun ba vasinasaun
Governu Australia mak parseiru bo’ot, no amigu proximu ho povu, no Governu Timor-Leste,no Kontribuisaun ne’e hola parte ami nia komprimisiu,hodi ajuda proteze povu iha pais ne’e husi COVD-19.”katak Suzanne Wilson Uilele
Reprezentante UNICEF iha Timor-Leste,Billal Durrani hato’o,UNICEF orgulhu atu apoiu ba implementasaun NDPV inklui analiza lakuna sira,mikro planeamentu,enumerasaun populasaun alvu no orsamentu akizasaun no intrega vasina
Epesikamente kona-ba vasina Pfizer sira, UNICEF garante intrega vasina Pfizer sira tuir nia tempu lolos, distribuisaun formasaun kadeia malirin iha SAMES, rejional no armazen sira,material informasaun foka ba labarik sira,inan aman sira no manorin sira,advokasia no eventu sensiblizasaun iha eskola idak-idak,no apoia asaun preparatoria sira inklui apoia ba formasaun, ba pessoal saude sira.”katak Billal Durrani
Discussion about this post