Reportajen: Cristiana Belo
Media nain no Asosiasaun hetan klarifikasaun husi MAPCOMS no SECOMS kona-ba preokupasaun ba dupla funsaun ne’ebe hetan levanta husi Media nain no Asosiasaun balun iha dialogu,ne’ebe realiza husi MAPCOMS no SECOMS rasik. Atividade refere halao iha Salaun Sentru Nasional Empregu no Formasaun Profesional (CNEFP) Suku Tibar, Sub.Distritu Liquica, Munisipiu Liquica iha Kuarta – Feira (29/12/2021).
Iha oportunidade ne’e Inspektor Jeral MAPCOMS Sr.Orlando da Conceicao hatan ba preokupasaun refere,katak. ”Hau atu resposta deit katak MAPCOMS no SECOMS ne’e laos rua maibe Ida deit tam-ba MAPCOMS propoin membru do Governu rua (2) Ida, koajuva programa ne’e ambitu Ministru ninian.”
Iha biban Ida ne’e Ministeriu Assuntu Parlamentar Comunikasaun Sosial, Sr. Francisco da Costa Jeronimo haklaru Liu tan, kona-ba preokupasaun tomak ne’ebe hetan levanta husi Media nain no Asosiasaun sobre dupla funsaun entre MAPCOMS no SECOMS.
Katak Ministru. “Kona-ba dupla funsaun la iha, funsaun iha ida deit, katak Ministeriu iha Ida deit iha asuntu bot rua ne’ebe mak trata iha neba, Ida assuntu parlamentar no komunikasaun social. Depots ita iha mos sekretariu estadu Ida ne’ebe mak bolu sekretariu estadu komunikasaun social, tuir Lei organiku VIII Governu konstitusional. Hau mos halo espliksaun dala barak ona iha Parlamentu Nasional tam-ba deputadu sira kestiona Kona-ba Ida ne’e. Hau dehan ba sira katak, iha Lei organiku VIII Governu konstitusional la defini sekretariu estadu sira ne’e iha kompetensia bot liu, sira hanesan mos visi ministru, sekretariu estadu ne’e koajuva funsaun ministru nian. Sira la iha kompetensia bot, sira bele hetan kompetensia balun bainhira Ministru desidi katak ita bot kaer parte Ida ne,e. Tam-ba ne,e ita hotu kuandu kompriende ita lapersiza luta kestaun Ida ne,e. Ita hotu hatene ona katak Ministeriu Iha ida deit. Tam-ba ne’e dala uluk tenki le,e lai Lei organiku nia intensaun , se lae, ita halo buat hotu dehan Ida ne’e nia kompetensia ketak Ida ne’eba nia kompetensia ketak, ne’e Laos hanesan ne’e.”
Ministru Sr.Francisco Jeronimo haklaru liu tan. “Sekretariu estadu iha kompetensia proprio. Ita iha sekretariu estadu hat (4) Ida mak Sekretariu Estadu Egualidade no Inkluzaun (SEEI) Ida mak koperativa, Ida mak Meu Ambiente no Ida mak Sefope. Sekretariu estadu tolu (3) hanesan Ambiente, koperativa no Sefope tutela iha Ministru kordenador asuntu ekonomika nia okos maibe sira nia kompetensia propiu iha lei organiku Nia okos, sira seluk hanesan Sekretariu Estadu Egualidade no Inkluzaun. (SEEI).
SEEI mak kompetensia bot, sira jere rasik. Maibe partisipa iha konselhu Ministru sekretariu do estadu egualidade jeneru ba partisipa maibe la iha politiku Ida. Sira seluk koajuva hotu, se Ministru la iha sira mak asumi, kuadu Ministru iha sira koajuva servisu saida mak ministru fo sira halo tuir.
Entau, Mapcoms iha 2020 to,o mai iha 2021 ne,e hau fo kompetensia balun ba SECOMS mak SEFTEC No Diresaun Nasional Dezenvolvementu e promosaun media Lokal (DNDPML) ne’ebe mak delega ba SECOMS tau matan maibe Ministeriu ne’e Ida deit. Tam-ba la iha dupla funsaun, funsaun ne’e iha Ida deit, ne’e hau koalia Kona-ba Lei. Lei mak hateten hanesan ne,e laos hau mak hateten hanesan ne’e, bele ba le,e iha lei organiku Art. 10 no Art. 8.”
Discussion about this post