Estadus Unidus Amerikanu Apoiu Finanseiru Adisional Millaun $ 1.5 hodi hatan ba covid-19 iha Timor-Leste.

Reportazen Robelson Cardoso

Embasador Estadus Unidus Amerikanu (EUA) liu husi Ajensia Unitated Stated America International Development  (USAID), fo apoiu subsidiu Millaun  Ida pontu lima dolares Amerikanu ($ 1.5), ba UNICEF  hodi hatan ba COVID-19 iha maternal, neonatal no infatil ba  pais laran tomak, hodi respande  ba kampainha vasinasaun populasaun elizivel sira, melloria prevensaun kontrolu infesaun, iha sentru Saude komunitaria hotu, no promove hahalok prevensaun COVID-19 iha Timor-Leste.

Akordu finansiamentu ne’e  anunsia ona husi Xefi Estadus Unidus Amerikanu ba Timor – Leste Sr.Tom Daley no reprezentante UNICEF iha Timor-Leste Sr. Bilal Durrani, no Doutora Odete Maria Viegas, Diretora Jeral Prestasaun Servisu Saude no Ministeriu Da Saude.  Atividade ne’e hala’o iha Palasiu Da Sinzas Kaikoli Dili, Kinta Feira (09/12/2021).

Xefi  Estadus Unidus Amerikanu  ba Timor – Leste Sr.Tom Daley, hateten. “ Hapara pandemia, prevene    no prepara ba ameasa seguransa Saude global iha futuru  eziji involvimentu pais hotu no komprimisiu koletivu, atu servisu hamutuk.

Timor-Leste bele kontinua konta, ho apoiu husi Estadus Unidus  ba funu hasoru Covid-19.

Orsamentu Millaun Ida pontu lima dolares Amerikanu ($ 1.5)  sei ajuda oferese ekipamentu,protesaun pessoal ba sentru Saude komunitaria 71, no autoridade munisipal 13 hodi proteje  profesional Saude sira, reduz transmisaun  no kontribui ba prestasaun, kontinua ba kualidade maternal infatil, no Kuidadu Saude infatil sira.

Fundu sira ne’e, sei uza mos atu fornese oxijeniu konsentrador, ba fasilidade izolamentu sira iha Dili, Ospital Nasional Guidu Valadares, no Ospital rejional sira ba terapia oxijeniu kritiku, ba kazu grave Covid-19.

Asistensia  povu Amerikanu mos sei ajuda melhora fasilidade be’e,saneamentu no ijiene,iha sentru saude komunitaria 14, iha munisipiu Baukau, Dili, Ermera no Manatutu ba prevensaun no kontrolu infesaun no aumenta konsientizasaun, Kona- ba medida prevensaun COVID-19, no vasinasaun iha Timor-Leste. Ho total kontribuisaun Millaun $ 1.5 no vasina Pfizer 100.620, liu husi COVAX Fasility”

Iha fatin hanesan Diretora Jeral Prestasaun Saude,Doutora Odete Maria Viegas dehan,Kontribuisaun husi Estadus Unidus Amerikanu,mai los durante tempu kritiku hodi hatan ba COVID-19

“Wainhira ita prepara ba posibilidade futuru, surtu pandemia iha Timor-Leste, Wainhira servisu esensial no suprimentu sira, sei kontinua nesesariu, hodi halo tratamentu ba kazu infesaun grave sira husi infesaun COVID-19,no salva moris,no ita mos responde hela kampanha vasinasaun, ba labarik sira tinan 12 to’o menus husi tinan 18.

Orsamentu ne’e sei promove asaun sira mak, sei kontribui ba hamenus impaktu husi COVID-19, liu husi prevensaun  tratamentu no vasinasaun, ba populasaun ilezivel sira iha Timor-Leste

Finansiamentu ne’e bazeia ba inisiativa konjunta husi USAID, UNICEF mak benefisia ona ema 480.000, liu husi melloramentu prevensaun kontrolu infesaun

Fornese asesu ba fasilidade be’e saneamentu, no ijiene iha sentru saude komunitaria 20, iha munisipiu 5,atinji ema liu 650.000, liu husi esforsu konsientizasaun husi uma ba uma, kona ba prevensaun COVID-19. Ekipa sentru saude komunitaria  ho prevensaun infesaun,no kontrolu suprimentu sira, hanesan ekipamentu fase liman, portatil no suprimentu limpeza sira” katak Diretora Jeral Prestasaun Saude,Odete Maria Viegas

Reprezentante UNICEF iha Timor-Leste Bilal Durani esklarese, UNICEF lidera ona apoiu ba Governu Timor-Leste iha aspetu hotu, hodi hatan ba COVID-19 hahu kedas iha loron dahuluk iha dezenvolvimentu operasionalizasaun no intrega planu Nasional distribuisaun vasina ba COVID-19.

“Ami Nia parseirau ho USAID ajuda ona ema millaun 1.1 to ohin loron. Finansiamentu ne’e mos ajuda ami hodi aumenta esforsu sira atu alkansa ema rihun atus ida resin ho informasaun, melloria prevensaun no kontrolu infesaun, apoiu tratamentu kazu COVID-19 sira, no garante katak labarik sira no inan sira simu kuidadu esensial hodi salva moris.

Finansiamentu ne’e sei kontribui hodi hatan ba COVID-19, apoiu husi UNICEF, ne’ebe konsentra ba melloria asesu sira ba servisu saude, inklui servisu esensial ba nutrisaun, imunizasaun rutina no kuidadu saude ba inan no oan sira, melloria asesu ba ensinu distansia no eskola seguransa sira, protesaun labarik no protesaun sosial.” katak reprezentante UNICEF iha Timor-Leste Bilal Durrani