Reportajem:Zelia Silva
Baseia ba updates regular husi komisaun Interministerial ba implementasaun Vasina COVID-19, dadaun ne’e Timor-Leste rejistu vasinasaun ba COVID -19 liu ona Pursentu hitu nolu (75%) ba dose dahuluk (1°) no dose daruak (2°) liu ona pursentu lima nolu (50%).
Tuir informasaun ne’ebe Journalista Radio Rakambia asesu iha inkontru refere, dadaun ne’e Implementasaun vasina kontra Covid-19 iha munisipiu Covalima atinji ona 93,7% Dili hetan 74,2% no Viqueque hetan 90,7%, ne’ebe lidera kobertura as liu iha teritoriu Timor-leste tomak, kompara ho Munisipiu sira seluk. Atividade ne’e hala’o iha Ministeriu Solidaridade, Sosial no inkluzaun (MSSI), Kaikoli Quinta- feira (11/11/2021).
Iha biban ida ne’e Porta voz Komisaun inministerial Dra.Danina Coelhu iha konferensia da imprensa hateten.”kaju sira ne’ebe grave iha internamentu iha loron rua Liu ba,iha hospital Lahane sei halo ba ema sira mak grave, iha fulan hirak Liu ba kuaze nakonu Ita tenke tau kama amanjestras ba ema moras todan ne’ebe barak tebes-tebes, pandemia ne’e seidauk remata no ema sira ne’ebe seidauk simu vasina sei vulneravel nafatin atu hetan infensaun no iha risku boot atu nesesita tratamentu iha hospital no bele resulta mos ema mate.”
Iha fatin hanesan Porta voz Komisaun inministerial Dra.Danina Coelhu update mos Kampaña vasinasaun covid-19 ba labarik ho idade 12 too 18 Mai kraik inisia iha 27 Outubru 2021 ho 100.620 doze ne’ebe mai husi COVAX labarik hamutuk 1500 ne’ebe mak simu ona sira-nia primeiru doze.
“ Iha 27 Outubru 2021 labarik sira ho idade 12 to’o 18 mai kraik ita halo ona kampaña vasinasaun komesa ona iha eskola sira Dili laran, ita hahu uluk iha Dili tam-bá kuantidade ne’ebé mak iha la sufisiente no mós kestaun lojistika. Ita foti opsaun atu vasina uluk lai iha Dili, enkuantu munisipiu sira seluk hala’o hela vasinasaun ba ema boot sira ne’ebé seidauk hotu.
Iha 17 Outobru 2021 munisipiu Dili, vasina ona labarik hamutuk Sanolu resin Lima pontu zero zero dois (15.002) ho persentajen 35,9% kobertura ba labarik Sira iha ona pursentu walu virgula tolu (8,3%) ba labarik sira iha Timor laran tomak, ho idade 12 to’o 18 hamutuk 181,87 labarik.
No Kuantidade vasinasaun ne’ebe simu ona iha dia 16 Outubru 2021 iha Timor husi Aztrazaneka ho total 1.012.650, Sinovax 1000.000, Pfizer 100,620, grand total 1.213,270.”
Iha vasina extra mais la konsege uja hotu hamutuk 14 mil ou bele menus oitoan, formalmente too iha dia 31 Outubru la uja ona tam–bá data validu tiha ona.
Porta-voz Dra. Danina, esklarese. “Alterasaun ne’ebé mak halo, iha diferente doze 1° no doze 2° husi Astrazaneka antes ne’e semana 8 mas agora rekomendasaun ne’ebé mak sae ne’ebé ita halo semana 4, ba Pfizer ninian doze 1° no 2° diferente loron ruanulu-resin-ida (21) ne’ebé ita komesa iha 27 Outubru, ba Pfizer iha 25 Novembru halo fali doze 2°.
Ita simu Portugal nian iha fulan kotuk expire (Liu Prazu) iha dia 9 de Outubru. Australia nian 200.000 expire (Liu Prazu) iha 31 de Outubru maibé konsege vasina hotu kedas. Vasina ne’ebé sira fo mai ita sira konta de’it 1.12.850 botir/frasku ida iha de’it doze 10 iha laran konsege hasai doze 12 pot vasina ou pot frasku, vasina ne’ebé expire SAMES sei rekoilha halo insenerasaun.”
Discussion about this post