Junta Forsa Polítika Ka Aliadu Defende Demokratika “ JFP-ADDD”

Reportajen: Martinho Soares Amaral

JFP – ADDD, halao komferensia imprensa dahuluk ho objetivu atu defende no luta hodi kontinua fo kontinuadade bá situasaun nasional bá povu ninia direitu. Partisipantes ba konferensia ne’e kompostu husi fundador sira  ne’ebe mai husi munisipiu 12 inkliu RAEOA ho total  hamutuk atus neen rua nolu resin rua (622) ne’ebé hetan aprovasaun sai fundador ba junta forsa polítiku (JFP) hodi defende direitus demokrátiku ka aliadu defende direitu demokrátiku (ADDD)  aprezentasaun estrutura Nasional ho mudansa bá periodu 2021-2024, iha salaun terra santa Rai Kotu, Dili, Timor – Leste. (24/10/2021).

Iha komferensia ne’e partisipa mós Eis Prezidenti Dr. Jose Manuel Ramos Horta hodi  fo apoiu bá sosiadade sivil no akadémika atu  hametin liu tan rekonsiderasaun polítika rai laran.

“Hau nu’udar kuantidade espesial, partisipa iha enkontru ida ne’e tam-bá movimentasaun demokrátiku ne’ebé halo aktividade desde tinan rua ona refleta  ema barak nia hanoin kona-bá situasaun demokrátiku, no mós hodi prepara-an bá eleisaun 2022-2023.  Prosesu ida ne’e,  hau halo apoiu, la’os atu halo desizaun hodi halo kandidatu ba hau-nia-an.

Iha forum ne’e,  iha partidu barak mak partisipa iha ne’e,  mai-bé sira la lori sira-nia forum nu’udar partidu tam-bá ne la’os koligasaun partidaria, maibé sira partisipa iha ne’e lori sira-nia pozisaun individual sociedade sivil, akadémika intelektual no igreja maka hola parte iha forum ida ne’e.

Ita tenke kurizi buat ne’ebé despontatives konstitusional legal instituisional, no iha komferensia ida ne’e, la iha inimigu ida  iha timor leste, ita bele iha adversariu polítiku,  bele iha rivalidade polítiku maibé la iha  inimigu no la iha partidaria ida inimigu no la iha lider ida inimigu, ne’e duni movimentu ida ne’e, no movimentu sira seluk no partidu sira seluk mos, ita tenke buka atu nune labele halo atake pesoal krítika ba mai, nune’e mós lider sira,  membru partidu sira deputadu sira, komferencia ida ne’e halo la’os hodi hatun lider sira maibé halo hodi hakman ita-nia diskursu sira iha parlamentu  média no haklean dame iha rai ida ne’e, hametin liu tan rekonsiderasaun polítika, atu nune’e prosesu ne’e tama asean ita timor-oan mós preparadu ona hodi tama tam-bá responsabilidade mós to’o ona,  reuniaun sektorais no reuniaun responsabilidade.” Dehan eis prezidente.

Prezidente komisaun Sr Lucas Soares (Colibere) Hateten iha konferensia ida ne’e ami halo ho objetivu atu junta forsa aliadu no defende povu-nian direitu iha demokrasia.

“Objetivu prinsipal “Junta forsa Politika (JFP) aliadu defende direitu demokrátiku (ADDD)” ida ne’e harí para hodi defende no luta hodi kontinua fo kontinuidade bá situasaun nasional bá povu ninia direitu. Komferensia ida ne’e,  ami kria tam-bá situasaun agora nu’udar situasaun polítika konstituisaun povu ninian maka ohin loron ami halo komferensia ida ne’e. Fundador ne’ebé partisipa iha komferensia ne’e mai husi munisipiu 12 inkliu mós RAEOA, kada munisipiu reprezenta ema nain tolu (3), ami-nia Esperansa bá futuru maka muda Situasaun hamutuk ho eis prezidenti nain rua (2) Sr.Xanana Gusmão no Sr. Jose Ramos Horta hodi muda situasaun ida ne’e.” Katak nia.