PERMA YOUTH CAMP 2021: Tematiku Hortikultura Fo Solusaun ba Joventude

Repotazem: Zelia Silva

Organizasaun Sosiedade  Sivil PERMATIL fasilita joven foin Sa’e Sira oin-sa atu Produz adubu Rasik. Iha tematiku hortikultura  ne’e rasik,  partisipante hamutuk ema hitu nulu (70) husi munisipiu diferente. Grupu Hortikultura finaliza ona sira nia aktividade durante semana ida nia laran ho suptopiku hitu (7) mak hanesan, Hortikultura, lutu moris no mate, adubu ben no maran, kantareiru natural, binkai A, pestesida, Bibeirus, EM lokal.

Fasilitador ba grupu hortikultura,  Sr. Gernisio Achon Carceres iha  formasaun ne’e fo hanoin ba partisipante sira  labele depende liu ba ai-han hirak ne’ebe kontamina ho kimiku.  Maibe tenki depende ba ai-han ne’ebe organiku. No hanorin lalaok  permakultura tékniku oin-sa atu halo adubu maran ho be’en.   partisipantes iha atividade ne’e husi munisipiu 12 inklui RAEOA, iha aldea Sukalau, suku Dare, Postu Administrativu Vera Cruz, munisipiu Dili, iha loron  Sabadu (9/10/2021).

                      Fasilitador grupu tematiku, Gernisio Achon Carceres.

Fasilitador Sr. Gernisio Achon Carceres, esplika hela prosesu tomak iha  workshop durante loron 5 ba journalista Radio Rakambia iha akampamentu Dare. (09/10/2021). Photo By: Lita

Fasilitador Sr. Gernisio Achon Carceres, hateten. “Maneira ne’ebé mak ami hanorin  ba ami nia Partisipante sira mak  bele moris mesak, labele depende liu.  husi maneira perma youth Camp hanorin halo  Kantareiru,  kopia husi Natureza liga ba etika, servisu matenek la’os todan. No, hanorin partisipantes sira halo Bibeirus liu husi dalan perma kultura ita bele halo koker (Koker Katak fatin biberus hanesan plastiku maibe ita bele uja material lokal sira husi hudi tahan ) ne’ebe la’os sosa iha loja.

No hanorin partisipante sira oinsa atu halo adubus (EM4) liu husi ai-fuan ne’ebé midar no tasak atu nune’e labele depende demais ba iha loja, hanorin mós Partisipante sira hadia lutu moris atu nune’e  labele tesi ai arbiru tam-ba lutu moris, lutu ida ne’ebé Permanente kuda husi ai Sanak ne’ebé moris. Hanorin mós Partisipante sira atu Konserva fini lokal ne’e rasik atu nune’e fini ne’ebé importasaun ita bele Reduz, garantia katak ita-nia Fini ne’e mak kualidade liu iha ita-nia rai doben Timor-Leste ida ne’e.

Durante Loron Lima (5) nia laran ami fo informasaun ba 12 Municipio inklui RAEOA,iha hortikultura participante hamutuk  hitu nolu (70), maske hortikultura rasik bá Loron haat (4) la sufisiente atu fahe hotu maneira no mekanismu bele koko atu fahe ba kolega Sira, buat ne’ebe ami halo iha ami nia fatin.” katak fasilitador hortikultura.

Fasilitador mós ható,o  hela sira-nian difikuldade durante sira hasoru iha treinamentu nian laran.

 “Difikuldade mai ami mak fatin ne’e rasik ,tambá mahon la iha, bee mós la sufisiente ami atu Prátika bu’at ne’ebé bo’ot maibé kondisaun mak hanesan ne’e, bu’at ne’ebé ki’ik naran katak partisipante sira hatene prosesu atu halo adubu sira ne’e . La’os sira mai rona deit maibé sira mós prátika rasik, tam-bá ne’e mak perma kultura ejiji fasilitador  sira la bele ko’alia barak halo aksaun mak barak.” Tenik Sr. Gernisio Achon

Partesipante  Grupu  Tematiku Estela Mesquita

Estela Mesquita konta hela nia esperensia prosesu aprende durante semana ida nia laran ba journalista Radio Rakambia. Suku Dare, aldeia fatsuka (04/10/2021 – 09/10/2021.). Photo By: Albertina Magno

Iha fatin hanesan partisipante husi munisipiu Aileu  Estela Mesquita ható’o ninian sentimentu no agradese durante loron haat (4) nia tuir formasaun hortikultura oinsa atu halo lutu moris no mate no halo rasik adubu ben no maran.

 Estela Mesquita, esklarese. “Tuir observasaun ne’ebé ha’u haré direitamente husi akampamentu kona-bá perma youth camp 2021 di’ak tebes, tam-bá bele mobiliza fila fali joventude sira atu  koinese, kona-bá área temátiku ha’u mai iha ne’e aprende la hotu maibé ha’u agradese tebes, tam-ba bele reduz ita-nia rai doben Timor-Leste ne’ebé agora dadaun  infrenta hela bá problema  ida ne’e.

Iha aktividade ne’ebe mak ha’u aprende liu-liu iha área hortikultura, oin-sa halo lutu moris atu bele asegura ita nia ai-oan ne’ebé mak ita kuda ona, ha’u mós bele hatene oins-a bele produz adubu orgániku sira mak hanesan adubu maran no ben no mós mikro orgániku lokal (MOL) ne’ebé produz husi ai-fuan lokal atu bele hamamar no habokur fila fali ita-nia rai sira ne’ebé mak dalaruma risku ho adubu kímiku.

Planu ho aksaun ha’u atu implementa bá iha munisipiu antes ha’u husik hela fatin ida ne’e, buat ne’ebé ha’u aprende durante Loron haat (4) nia laran liu-liu iha tematiku hortikultura nian esperiensia ne’ebé ha’u hetan sei ba aplika fali iha ha’u nia munisipiu.”

                             Partesipante hortikultura, Joni Alexandre Pinto

Partisipante joventude husi munisipiu Lautem Joni Alexandre Pinto dehan  nia aprende ona iha universidade área Agronomia no apoiu husi SEJD nia mai partisipa iha permatil nian programa  atu kompleta deit  sensia ne’ebe nia aprende ona  iha Universidade.

“Ami hetan apoiu husi SEJD ami mai ne’e hakarak aprende tan tematiku balun husi PERMATIL. Tematiku ne’ebe ami simu hamutuk neen (6), haat (4) husi SEJD, rua (2) husi Permatil, relasiona temátiku ne’ebé mak ha’u aprende prefere liu bá área hortikultura, tam-bá ha’u aprende kona-bá siensia Agronomia, relasiona bá iha hortikultura nian, durante loron haat (4) ne’ebe mak ha’u aprende, ha’u orgollu tebes ho programa permatil nian, ha’u bele aprende liu tan siensia ne’ebé ha’u aprende iha universidade, liu-liu ba iha hortikultura  nian.

Kona-bá Formador sira ne’ebé fo formasaun diak tebes,  maneria ne’ebé ha’u hetan barak liu mak pratika, no mós sai hanesan buat foun mai ha’u. Iha aprendesazen hau prefere liu ba subtopiku oin-sa bele halo adubu ben no maran ho pestesida organiku, oin-sa bele utiliza binkai A atu nune’e bele halo teras gluden no teras banku.

Partesipante Joni Alexandre Pinto depois de Treinamentu nia mos iha planu sei kontinua iha nia Munisipiu lautem.

Nu’udar juventude ha’u mós iha planu hakarak atu bá implementa iha ami-nia munisipiu Lautem, tam-bá tema ne’ebé perma youth camp dehan, Joventude mak sai hanesan Aksaun, tamba ne’e nu’udar juventude hakarak kontribui no matenek saida mak ha’u hetan konesementu aprende iha permatil nian, programa ida ne’e ha’u hakarak implementa iha ha’u-nia municipio hanesan jerasaun foun ida.” Tenik  Joni Alexandre Pinto