Reportazen:Robelson Cardoso
Governu Timor-Leste liu husi Ministeriu da Saude, hetan apoiu vasina kontra Covid-19, Pfizer BioNTech, ba labarik ho tinan,12 to 18 anus mai kraik hamutuk (100,206) husi Estadus Unidus Amerikanu, iha seremonia intrega vasina Pfizer BioNTech ne’e, UNICEF iha Timor-Leste mos oferese Jeleira Ultra Malirin (4) hodi armazena vasina Covid-19.
Iha iventu ida ne’e, Partisipa mos husi Diretor jeral Edukasaun no parseiru sira iha Timor-Leste, mak hanesan, Embaixador Union Europeia, USAID, Embaixador Australia, OMS Organizasaun Saude Mundial no UNICEF. Atividade ne’e hala’o iha SAMES kampung Alor, Dili, Timor – Leste Segunda Feira (18-10-2021).
Ministra Saude Odete Maria Freitas Belo hateten, “Data implementasaun vasina Pfizer ne’e ami prepara ona 25 lae 26 de Outubru”
tamba doze ne’e mai 100.620 ita sei la fo hotu ba eskola sira,ita sei identifika eskola ne’ebe mak, ho ninia numeru labarik sira, ho idade 12 ate 18 anus ne’ebe mak barak liu,iha Dili laran, no mos ami fo oportunidade ba likisa
Labarik sira ne’ebe mak eskola ho idade 12 ate 18 iha 10,000 alunus, no mos sura ho idade 12 to 18 anus maibe’e sira la eskola,ida ne’e hamutuk 30,000 labarik.
Ministra Saude Odete Maria Freitas Belo dehan, ita lakhoi koalia kona ba obriga ka la obriga,ida ne’e ita koalia kona-ba, governu nia programa
Ne’e mak ita hotu partisipa,lalika lori liafuan obriga la obriga,tamba ida ne’e ita halimar ho ema nia vida, Saude kaer ema nia vida, ita hare katak ho atividade sira prevensaun nian, dalaruma ita hirus,dehan estadu emerjensia,serka sanitaria, haruka ita uza masker ita hirus,maibe’e asaun sira ne’ebe ita halo ne’e, bele redus moras, ho tan vasina ne’ebe mak iha,ita nota katak loron ba loron numeru kazu ne’e redus, ida ne’e tenki hare ba pozitivu
Sekarik ita kobre tan labarik nian,husi idade 12 to 18, ida ne’e tamba ita hare ba iha Covid variante foun, ne’ebe ataka mos ba labarik kikoan,entaun lori vasina ne’e mai, para atu proteze labarik sira ne’e,espera katak sira bele simu,maibe’e ami mos iha lalaok balu, ita sei fo informasaun ba sira,kona ba vasina ne’e, efeitu saida ninia vantazen ne’e saida,no ba mos sira nia inan aman, mestri sira, kopera lori labarik sira mai vasina.”katak Ministra Saude Odete Maria Freitas Belo
Iha fatin hanesan Reprezentante UNICEF Bilal Durrani, lori ekipa UNICEF tomak nia naran,ami senti orgulhu iha tempu badak, ita la’os konsege deit fornese frigorifiku, (Jeleira) ho temperatura ultra malirin ho nia ekipamentus seluk sira ne’ebe garante mos katak buat hirak ne’e edukadu ba rai ne’e, no ami mos apoiu ona nia instalasaun iha SAMES, fornese asistensia teknika kona ba operasaun no manutensaun nia sistema.
“Ne’e primeira vez pais ne’e iha kapasidade hodi armazena vasina ho tempratura ultra malirin UNICEF mos fo apoiu Ministeriu Saude atu hametin tan kapasidade ultra korenti malirin iha nivel rejional sira.molok vasina Pfaizer to mai,UNICEF mos fornese seringa no kaixa dispozisaun sira
Buat hira ne’e ita sei susar atu atinji,se karik ita laiha lideransa husi sua Exelensia Primeiru Ministru Taur Matan Ruak.Sua Exelensia difini ona ita nia vizaun,no halibur ita hotu,atu bele hamutuk ho Sua Exelensia no servisu makas tebes.no nia rezultadu mak ohin loron ita bele hare ho ita nia matan rasik
Ami hotu hakarak hato’o ami nia saudasaun ba kordenasaun diak husi Sua Exelensia Armanda Berta Do Santos,Vise Primeira Ministra no dedikasaun bo’ot no servisu makas husi Ministra Saude
Agradese ba Governu Estadus Unidus ba sira nia solidaridade bo’ot hodi halo doasaun vasina Pfizer,no kolaborasinya besik iha fulan no semana hirak ikus ne’e hodi lori vasina sira mai rai ne’e,no garante katak Timor-Leste prontu atu simu vasina ne’e.
Iha biban ida ne’e Reprezentante UNICEF Bilal Durrani hato’o lia menon badak ba labarik Timor-Leste sira
Wainhira vasina aprova ona ba labarik sira UNICEF sei ajuda sosa no lori mai Timor-Leste,atu imi,hanesan mos imi nia inan aman no ema bo’ot sira,bele simu vasina ne’e no bele proteze imi nia an husi Covidd-19.
Ohin loron senti orgulhu hamrik iha fatin ne’e,hodi fo hatete ba alin sira katak UNICEF kontribui ona hodi kumpri promesa ne’e.
Ba alin labrik sira hotu iha Timor-Leste,dezafiu sira ne’ebe mak pandemia ne’e lori,afeta ona aspetu barak husi ini nia moris sira,komesa husi Saude mental ba to’o lakon oportunidade iha prossesu aprendizajen nian,tamba prolongamentu taka eskola sira.
UNICEF komprimisiu atu servisu hodi bele ajuda alin sira hasoru dezafiu sira ne’e,
Ami sei la para atu kontinua fo apoiu inisiativa sira ne’ebe mak sei fo benefisiu ba imi hotu,
ami sei sei kontinua fo apoiu atu hadia asesu ba servisu Saude sira no kualidade aprendizajen, Psikologia no servisu mental sira; presaun bamalnutrisaun,hadia asesu ba bee,saneamentu no ijiene; no halo advokasia ba politika sira ne’ebe sei proteze imi tomak.”katak reprentante Unicef iha Timor-Leste, Bilal Durrani
Iha Fatin hanesan Dr.Arvin Arthur, reprezentativu OMS,Organizasaun Mundial Saude dehan,ohin ita marka tan susesu ida iha Timor-Leste, desde pandemia ne’e hahu
Ohin ita simu tan vasina Covid-19 Pfizer BioNTech, mai iha Timor-Leste, ne’e mos halo Timor-Leste sai hanesan nasaun selesionadu ida, husi nasaun sira seluk iha mundu, hodi introdus vasina Covid-19 ba labarik,ho idade 12 ate 18
OMS ninia Grupu halo ona konkluzaun katak,vasina Pfizer bele utuliza ba labarik,ho tinan 12 no 18 mai kraik
No mos ba sira ne’ebe risku, karik atu hetan moras, no mos ba grupu peioridade sira seluk
Tuir Sua Exelensia Primeiru Ministru nia konselhu, no mos ho diskusaun ne’ebe maka halo, dalabarak ho Ministra Saude, hodi fasilita vasina Covid-19 ,ba labarik adolesensia no foin sa’e sira
Senti kontenti tamba diskusaun kontinuasaun, liu husi diretora rejional OMS,no Diretor jeral OMS Dr.pedru,ba transferensia alokasaun vasina Covid-19 Faizer mai Timor-Leste,liu husi alokasaun COVAX iha ronde da lima, iha fulan julhu 2021.
Agradese ba fasilidade COVAX,no mos kontributor mais prinsipal sira, liu-liu Governu Estadus Unidus Amerika, ne’ebe fo apoiu alokasaun vasina Faizer, no mos alokasaun vasina JONSHON, ne’ebe konfirmadu sei tuir mai
Servisu hamutuk ho Ministru Saude, hanesan parseiru tekniku,ami kontinua asegura protidaun ba kampanha vasina Faizer,no ami kontinua fo hatene ba Ministru Saude,atu iha mehi,hodi bele realiza kampanha vasina Covid-19
Atu asegura protidaun ba kampanha vasina Faizer, OMS servisu hamutuk ho parseiru sira, fasilita ona Ministeriu Saude,hodi halo asegura protidaun ba vasina faizer,ne’ebe inklui hetan aprovasaun husi konselhu.” Katak reprezentativu OMS Arvin Arthur
Discussion about this post