PERMATIL: Hasae’e Joventude Nia Koinesementu liu Husi Perma Youth Camp Ba Dala VI.

Diretor organizasaun sosiedade sivil  PERMATIL, Eugenio Ego Lemos hato’o hela mesajen no Programa atividades ba Journalista sira. Iha Suku Dare Aldeia Fatsuka,Tersa Feira (05-10-2021) Photo By: Virgilio Viana

Reportajen: Virgilio Viana

Sosiedade Sivil PERMATIL halao abertura ba programa camp youth 2021,ba dala ne’en (6) ho tema “Joventude iha jestaun ba rekursus naturais, no adaptasaun ba mudansa klimatika Timor-Leste” iha atividade ne’e   Partisapantes mai husi Joventude 13  munisiupiu inklui Raeo, no hetan apoiu masimu husi Sekretariu Estadu Joventude Desportu (SEJD) ,ajensia koperasaun Fransa, ajensia internasional,CCFD, ho montante orsamentu  riuhun lima nolu (50.000), atividade ne’e hala’o iha Suku Dare,  Aldeia Fatsuka,Tersa- Feira (05-10-2021).

Iha eventu ne’e, diretor organizasaun sosiedade sivil  PERMATIL, Eugenio Ego Lemos, hateten “Abertura ba Perma youth camp 2021, ba dala ne’en (6),iha fatin Fastuka Dare,  ho tema tinan ida ne’e maka “Joventude iha asaun ba jestaun rekursus naturais no adaptasaun ba mudansa klimatika”

Joven hirak ne’ebe mai iha akampamentu ida ne’e, ho tipu formasaun no maneira akampamentu  atus hat Rua nolu resin Walu  ( 428) husi 12 munisiupiu inklui Raeo.  Durante  loron (6),   programa ne’e sei iha tematiku (6) maka hanesan Agro toilet, Konservasaun be’e, Agro floresta, Agro pekuaria , Agro kultura no agro Hortikultura atividade ne’e, hetan apoiu masimu husi Sekretariu Joventude Desportu  (SJD) ajensia koperasaun Fransa, ho tan ajensia Internasional, ho naran CCFD, ho total orsamentu rihun Lima Nolu dolares Amerikanu ($.50.000).”

Iha fatin hanesan, Diretor Geral SEJD Sr. David Tomas de Deus, esklarese “Objetivu ba formasaun ne’e, atu hasa’e koinesimentu ba joven sira liu-liu iha area hortikultura, Pekuaria, Agro Kultura no Konservasaun be’e matan nian, ho ida ne’e maka SEJD servisu hamutuk ho PERMATIL, fo apoiu orsamentu rihun hat nolu resin lima pontu atus lima hitu nolu resin hat dolares Amerikanu ($.45.574) hodi mobiliza joven sira bele mai iha akampamentu permakultura ida ne’e.

Husi SEJD mobiliza joven hamutuk nain atus ida nen nolu (160)  husi munisipiu 12 inklui Raeoa mai hamutuk ho joven sira husi parte seluk  no sira hamutuk iha ne’e nain atus hat rua nolu resin walu (428) mak mai tuir akampamentu. Depois sira tuir formasaun  ida ne’e,  wainhira fila liu liu ba ida ne’ebe apoiu husi SEJD sira sei kontinuasaun fo apoiu teknika ho Permatil sei halo konservasaun maka sira kria debu iha ida-idak nia Municipio sei fo mos fundos balun.

Alende ne’e sefe suku Dare Gil de Araujo haktuir. “Hau  sente orgulhu Tamba halo buat ne’ebe foun hodi akumula joven sira husi munisipiu sira seluk.  Akampamentu  Ida ne’e,  hahu husi 2018  to’o  2021 ba datoluk nian, durante ne’e  halo preparasaun husi komunidade no komisaun sira hodi servisu hamutuk ba eventu Ida ne’e.”