Reportajen: Gustavo Belo Soares
Organizasaun Sosiedade sivil Caucus halao workshop ho tema “Hametin Partisipasaun feto Iha eleisaun no Hakbi’it Lideransa no Parisipasaun Feto Iha Politika” partesipantes iha workshop ne’e mai husi Feto iha Politika, Lideransa sosiedade sivil xave dezenvolvemnetu sira, Lideransa komunitariu ka xefe-Suku, Instituisaun Siguransa, grupu Joventude, Media, reprezentantes husi GMPTL, SEII no mos membru governu husi ministeriu relevante. Total partesipantes iha workshop ne’e hamutuk ema ne’en nolu (60).
Iha workshop ne’e foka liu bá kapasitasaun feto sira-nian mentalidade, partisipasaun iha elisaun no husu apoiu media sira-servisu hamutuk atu sensivel ba igualdade Jéneru.
Eventu refere halao durante loron rua nia laran, loron dauluk fahe grupu diskusaun tuir issue no kada tematiku hitu (7) hanesan; Hasae kapasidade no formasaun ba feto sira, Reforsa partisipasaun feto no mane iha partidu politikus sira, Infrastrutura no Lojistiku ne’ebe asesivel ba ema hotu, Siguransa ne’ebe inkluzifu ba kandidatu no votantes feto sira, Media no Komunikasaun, Orsamentu sensivel ba Jeneru ba feto iha vida politika no Pratika kultura ne’ebe sensivel ba jeneru no inkluzaun.
Iha loron daruak kontinua halao diskusaun ba tematiku hirak ne’ebe temi iha leten no mos fahe grupu tuir kada tematiku hodi halao revizaun. Atividade refere halao iha Delta Nova Segunda-feira ( 27/09/2021).
Sra. Maria José da Fonseca Monteiro de Jesus, nu’udar Sekretaria Estadu ba ilIgualdade no Inkluzaun (SEII) hateten. “Agora dadaun ekipa ida ne’e halo servisu maka’as no iha esperensia lubuk ida ona. Iha elisaun dala barak ona, iha tinan lima (5) mai kotuk ho kampainha sen pursentu (100%) ohin ita halo abertura ba workshop iha nivel nasional ida ne’ebé ita loke ona dalan bá preparativu seluk ne’ebé atu iha, alende nivel nasional, nivel munisipiu sira no mós iha RAEOA hodi hakat ba hasoru elisaun la’os de’it eleisaun prezidensial maibé legislativa parlamentar ninian no mós bá iha eleisaun suku ne’ebé atu akontese no dezentralizasaun bá iha elisaun munisipal ne’ebé akontese.
Preparativu iha workshop ida ne’e, parseiru sira hamutuk, hotu-hotu sei fahe hanoin husi reprezentante lideransa komunitaria sira, ho sira-nia esperensia sira ne’ebe iha, desde tinan lima (5) ona, entaun sira sei hanoin husi sosiedade sivil ho organizasaun oin-oin sei tau hanoin hamotuk, preparativu ne’e sei di’ak liutan, ita sei hetan sussesu barak, Ita hatene katak feto barak iha potensialidade bá kargu ida ne’e, klaru que ita-nia sistema patriarkal ne’ebé sei sai obstaklu bo’ot, entaun sei hasoru dezafiu barak maibé hau fiar ho servisu hamutuk ita apoiu ho ita-bo’ot sira hosi media ita sei bele hetan susesu maka’as.
Iha ekipa nia laran maluk sira hosi sosiedade sivil, governu, parlamentu reprezentante husi Grupo das Mulheres Parlamentares de Timor-Leste (GMPTL), mai-be ekipa ida ne’e mesak mós nia servisu sei la iha rezultadu diak se maluk média la fo apoiu, tam-bá ne’e ami presiza ita-bo’ot sira-nia apoiu, durante periodu eleitoral. Ita-bo’ot sira-nia kobertura ne’e labele bá mane de’it, mai-be tenki bá feto. Ita-bo’ot sira halo kobertura ida ne’e, sensivel igualidade jéneru, sensivel ba maluk defisensia, bá maluk sira komunidade, ita hotu tenki servisu hamutuk halo kobertura ne’ebé ita-bo’ot sira tetu ho didiak, iha sensibilidade hau fiar katak ita sei hamosu figura diak barak ne’ebé bele bá kompete tinan-oin.
Ekipa prontu apoiu maluk sira ne’ebé atu kandidata-an ekipa hakarak servisu assosiasaun feto potensial, iha munisipiu sira ho REOA, no ekipa servisu hamutuk grupu trabailhu Jéneru oin-oin no halo identifikasaun bá feto potensialidade iha ida-idak nia munisipiu no reziaun no qoutasaun feto partisipa iha kargu polítika pursentu tolu nolu resin walu (38%) iha parlamentu nasional, iha 2016 ne’e ita iha pursentu Hat nolu (40%), iha governu pursentu sanolu resin ne’en (16%), agora iha administrasaun públika pursentu tolu nolu (30%), ita koko atu barak liu tan”.
Iha parte seluk Diretora CAUCUS dehan bá feto maluk sira labele ansi atu hari uma kain sedu.
Diretora CAUCUS Sra. Teresinha Maria Noronha Cardoso, expresa, “ita hotu akompainha ho prosesu dezenvolvimentu demokrasia iha Timor-Leste, sistema ne’ebé nakloke, ita haré bá partisipasaun feto komesa ativu, ita mós haré iha progresu lubuk ida tiha ona, alende ita haré aspektu polítika no mós aspektu sira seluk ne’e feto-nia envolvimentu maka’as.
Ita haré balansu entre feto ho mane seidauk pursentu lima nolu (50%) maibé ita presiza dalan ida, atu hakbi’it feto-nia kapasidade lideransa atu nune’e feto sira komesa brani kandidata sira-nia-an no feto sira komesa envolve sira-nia-an iha kompetisaun ne’ebé mak loke, kargu dezafia bá feto ho mane hotu sira komesa hola parte ona iha ne’ebá katak progresu sira ne’e iha oituan.
Atu nune’e ita hakarak maneja nafatin katak, feto maluk sira labele hanoin ansi atu hari uma kain tam-bá ne’e impede sira-nia hanoin ne’ebé mak matenek, sira iha no kontrubui bá dezenvolvimentu bá nasaun. Hau fiar ita iha planu dezenvolvimentu 2030 ita hotu-hotu iha tarjetu ida, hau fiar katak sei la atinzi sen pursentu (100%) dehan balansu ona feto ho mane”.
Iha fatin hanesan Sra. Bela Gailhos feto sosiedade sivil ida ne’ebé independente tebes hakarak prepara-an ba Prezidente da Repúblika no sai feto ida ne’ebé kualidade.
Sra. Bela Gailhos, katak. “Ohin loron importante lo’os bá feto independente atu haré hikas fila fali inkuadramentus estrateziku ne’ebé iha, atu asegura partisipasaun feto iha polítika, iha lideransa tambá ita hotu hatene katak sosiedade ezizi partisipasaun feto nian ne’ebé masimu maibé ita mós lakohi atu iha de’it feto, ita hakarak feto ho kualidade ne’ebé atu sai servidor bá nasaun ida ne’e tenki iha kualidade ne’ebé matenek no hatene.
Meus sira ne’ebé iha, obstaklu sei iha, nu’udar barreira bá feto atu hakat bá oin atu bele halo mudansa atu nune’e mais enkoraza ema feto sira lider foin-sae sira ita labele haré kontinua de’it feto veterana, feto materestu, bu’at hotu-hotu ita kontinua liga bá passadu, ita tenki hamrik-an iha prezensa ne’ebé mais, afirma atu envolve ema hotu sei haré nia difesente ka nia zenétika ou nia feto foin-sa’e, tenki fo fatin ida ne’ebé que mais inkluzivumente bá ema hotu, no atu haré obstakulu sira ne’ebé durante hasoru hela no ezizi mudansa atu nune’e feto oin foun sira, feto mais kualidade atu la’o bá oin no sai lider bá rai ida ne’e.
Hau hanoin ita hotu hatene katak ita-nia sosiedade sira hatoman-an hela ho dutrina patriarkal ne’ebé fiar katak bu’at ida polítika ne’e mane sira nian deit no feto sira ladun hetan enkorazem atu bele la’o bá iha leten ne’e importante, tambá ita-nia sosiedade ne’ebé fiar katak feto nia kna’ar ne’e barak liu iha uma no sai suplementa ou servi nia familia ou servi ninia komunidade maibé ho kna’ar bain-bain de’it, tam-bá ne’e mak hau hatene katak feto barak mak iha potensia bo’ot, maibé sira ki’ak rekursu, sira ki’ak bá informasaun, sira ki’ak suporta no osan.
Agora potensia bo’ot hanesan ne’e mak lahetan suporta la iha osamentu la iha konesementu baze legal oin-sa atu forma ita-nia ekipa sira, bu’at sira ne’e hotu mak ita labele la’o bá oin ne’e hau haré barak.
Ita hotu hatene katak bu’at hotu fihir liu ba partidu polítiku, ne’e mak sosiedade barak failha atu fihir identidade ema sira iha partidu polítiku no lider nasional sira.
Hau dadauk hein hela mesmu-que hau rasik hakarak kandidata hau-nia-an maibé fila fali bá dezafiu sira ne’ebé hau sei hasoru, ema sei la haré bá hau-nian kapasidade ema hateke fali bá hau sé, hirak ne’e sai dezafiu bo’ot, ne’ebé hau hein hela kandidatu sira ne’ebé mak mai hau haré kommesa la’o dadauk ona.”
Discussion about this post