Reportagen: Grazelia Da. C Do. R Mendes
Fundasau mahein hala’o konferensia imprensa kona-ba monitorizasaun no advokasia ba vice-ministru interior ne’ebe kontinua politiza setor seguransa,Dili,Timor Leste.Segunda-feira,27/09/2021.
Diretor fundasaun mahein Joăo Almeida,haktuir.’’Fundasaun mahein (FM) fo ona nia observasaun liu-liu iha politizasaun ba setor seguransa no iha kazu ida ka rua ami identifika, intervensaun potika iha nomeasaun sira servisu profisionais ninian. Iha kazu ida ne’e, liga ho setor seguransa nian empartikular servisu migrasaun nian.
FM halo monitorizasaun identifika liu-liu iha vice-ministru interior kontinua halo politizasaun ba setor seguransa no foin dau-daun ministru interior fo sai vaga sira adidu servisu imigrasaun nian iha rai liur, vaga sira ne’ebe priense ona iha ambitu desizaun ministru interior nian, no kazu ida ne’e fundasaun mahein identifika vice-ministru interior kontinua interven no nomeia ema hirak ne’ebe priense vaga hanesan adidu imigrasaun iha rai liur la tuir meritu no konesementu profisinais iha area servisu imigrasaun nian, nomeasaun ida hodi priense vaga adidu iha Portugal, Singapura, Darwin-Australia no Indonesia hanesan iha konsuladu Bali, Kupang no Atambua.
FM deskonfia intervensaun sira ne’e hanesan intervensaun politika ne’ebe la afavor ba intereses komum tuir lei no regras maibe intereses partidaria no pessoal iha nomeiasaun ida ne’e, tam-ba sa mak fundasaun mahein kestiona ida ne’e tam-ba vice-ministru interior atua la iha kompetensia atu halo nomeiasaun ne’ebe regula iha despasiu ministru interior nian iha numeru 62/MI/VII/2020, loron 22 jullu 2020 ne’ebe limite kompetensia vice-ministru interior nian ba deit assuntu sira operasional administrasaun, treinamentu no despeza ida ne’e laos kompetensia vice-ministru interior nian tam-ba ne’e ami hare katak nomeiasaun ne’e la halo tuir regras ou prosedimentu sira ne’ebe regula kona-ba vice-ministru interior ninia atuasaun no ami hare katak intervensaun hirak ne’e forra husi nia kompetensia ka regras sira.’’
Diretor Fundasaun mahein mos rekomenda.‘’ Primeiru ministru toma atensaun ho seriu ba assuntu servisu migrasaun nian no hasees interese partidari iha setor seguransa nian atu nune’e bele ajuda servisu migrasaun nian sai instituisaun ida ne’ebe profisional no servi ba interese komum no husu ba primeiru ministru hanesan ministru interior alerta tiha desizaun vice-ministru interior nian ne’ebe atu nomea ajente sira iha ona esperensia tinan barak iha servisu migrasaun no atende ona kursu sira iha area ida ne’e nian atu bele nomea ba adidu iha rai liur,tenki assume kargu tuir lei organika ministru interior nian atu nune’sees husi politizasaun ba iha nomeasaun ida ne’e.’’
Discussion about this post