MJSD HUSU BA PREZIDENTE PD KANDIDATA AN.

Reporter: Robelson Cardoso

Movimentu Joventude no Sosiedade ba Demokrasia (MJSD),  hala’o Pres konferensia hodi fo  apoiu ba Prezidente Partidu Demokratiku, Marianu Assanami  Sabinu, ba eleisaun Prezidensial  tinan 2023-2027, atividade ne’e hala’o iha Jardim 5 de Maio kolmera, Kuarta Feira,(22-09-2021)

Tuir porta voz Movimentu Joventude Sosiedade Demokrasia, Eugenio Do Santos Ximenes ba Jornalista sira hateten, “hare ba situasaun ne’ebe Timor-Leste hasoru, hahu husi 2017 ate ohin loron, tuir ami nia observasaun ba lalaok orgaun estadu sira nia funsionamentu, hahu mihis no lakon nia identidade ba salva guarda Konstituisaun, no garantia  ba bens star povu nian iha Sosiedade nia let.

  Maske nune’e Timor-Leste atu tama hikas ona ba iha siklu  eleisaun Prezidensial 2022, no eleisaun parlamentar 2023. Ami hahu rejista ona ema individu balu  komesa hahu kandidata an ona, nomos ema balu liu husi partidu  politiku  sira, deklara ona hodi sai kandidatura ba Prezidente da Republika 2023-2027.

Nune’e ami nia hare,nu’udar Movimentu Joventude no Sosiedade ba Demokratiku,katak atu fila hikas konfiansa publiku no normaliza orgaun estadu tomak, persiza figura rezistensia ne’ebe  iha kapasidade politika, no iha pensamentu estadista, hodi  kaer metin prinsipiu ukun rasik an ne’e, no iha vizaun ne’ebe forte.”