Sesaun foto hamutuk depois de inkontru ho labaraik sira iha edifisiu Radio Rakambia (RKM) Kuarta-feira, (15/09/2021). Photo By: Gustavo Soares
Reporter Erciana Fernandes Belo
Sentru Kultural dame Radio Rakambia (RKM) hamosu programa ho naran “Esperansa Futuru Labarik” (EFL) atu promove no forma labarik sira sai masin no naroman no mos oinsa sai labarik ne’ebe diak no onestidade, ( “Good and Honesty” and to be “sult and light”) ba nia aan no ba ema seluk, ba nasaun no mos ba mundu tomak. Programa hanesan ne’e mos Radio Rakambia halao tiha ona iha 2010 hanaran programa ” labarik nia Lian” ne’ebe hetan kolaborasaun husi ajensia internasional UNICEF hodi luta ba direitu labarik sira nian.
Diretora Exekutiva Radio Rakambia, Sra. Cristiana Ximenes Belo, expresa.“ Hamosu programa hirak ne’e ho intensaun atu hari’i Kultura dame no paz ba labarik sira ne’ebe nakar, stress, depresaun iha tempu pandemia COVID-19. Iha tempu ida ne’e mos labarik sira persiza ema bo’ot sira nia apoiu hodi lori sai sira husi situasaun defisil refere.”
“Programa Esperansa futuru labarik ne’ebe realiza husi Radio Rakambia ho objetivu fo motivasaun, korajen no esperansa ba labarik sira hodi nafatin iha vontade kontinua sira nia eskola bainhira iha situasaun normal foun ka “New Noraml” tam-ba ita hotu hatene katak labarik estudantes barak mak durante sai abandonadu inklui labarik nain 50 ne’ebe dadaun ne’e ami halibur aprende hamutuk sai mos vitima no afetadu ba situasaun Pandemia COVID-19 iha Timor – Leste. No tuir asesmentu ne’ebe ami halo entre husi nai 50 ne’e so iha nain 10 deit mak asesu ba eskola online no WhatsApp maibe restu husi nain lima nolu (50) la asesu ba online ka zoom.” Katak diretora Radio Rakambia
“Baseia ba konvensaun direitu labarik kapitulu um (I) hateten, direitu no liberdade sivis Artigu. 6 katak labarik hotu iha direitu inerente moris se asegura ninia subrevivensia no dezenvolvimentu. liu husi oportunidade oi-oin maibe na realidade iha Timor – Leste labarik lubuk ida mak sai abandonadu no limitasaun, iha aprendesazen no mos sai negosiante hodi ajuda Inan, aman sira fa’an sasan atu bele selu eskola, bainhira nasaun Timor – Leste sei tama iha “New normal” ka normalidade foun.
Tam-ba ne’e, hau sujere ba membru Governu Timor – Leste, membru Parlamentu nasional, ajensia ONU no Ajensia Internasional sira seluk ne’ebe ejiste iha Timor – Leste karik bele apoiu ami nia atividades programa hirak ne’ebe ami halao hela, atu bele fo forsa ba ami ka ita tau forsa hamutuk hodi luta ba ita nia oan sira ne’ebe iha situasaun defisil ida ne’e.” Katak Diretora Exekutiva RKM
Iha Oportunidaede ida ne’e Co’ordenador programa Esperansa Futuru labarik, Zermin Jonata Doutel haktuir.” Iha sorumutu dahuluk ne’e ko’alia kona- ba lalaok eskolar nian ba labarik sira iha situasaun serka sanitaria ne’ebe hapara prossesu aprendizajen. Iha sorumutu ne’e marka prezensa husi labarik hamutuk nain lima nulu(50) no kompostu husi primeiru ano to’o setimu ano (1-7 ), iha sira nain sanolu (10) mak tuir aula online ka WatsApp no sira seluk la iha aula online, labarik nain lima nulu ne’e, fahe ba grupu rua no Grupu ida kompostu husi primeiru ano to’o terceiru ano (1-3) hahu iha 9:00 OTL no remata iha 10:45 OTL, grupu rua kompostu husi quatru ano to’o setimu ano (4-7) hahu iha 15:00 OTL no remata iha 16:45 OTL.
Programa esperansa futuru ba labarik ne’ebe hala’o iha radio rakambia, no labarik sira ne’ebe mak marka presenza programa ida ne’e ,la iha obrigasaun husi ema ida,maibe ho sira nia inisiativa no vontade rasik hakarak atu mai aprende.
Objektivu husi Radio Rakambia (RKM) loke programa esperansa futuru ba labarik , atu aumenta tan sira nia koinesementu no atu reforsa tan sira nia materia liu-liu iha ingles, portugues Matematika, animasun no iha mos motivasaun balun husi loke filme tam-ba ho situasaun pandemia COVID-19 halo sira lakon esperansa iha prosesu aprendizazen. Labarik sira iha direitu atu asesu ba edukasaun diak no dezenvolve sira nia potensialidade.”
Ekipa formadora ba Programa Esparansa futuru ba Labarik kopera malu hodi elabora naran foun neebe seidauk tama iha lista prezensa no identifika naran hodi fahe grupu. Atividade nee halao iha edifisiu Radio Rakambia (RKM) Kuarta-feira, (15/09/2021). Photo By: Gustavo Soares
Visi dahuluk (I) Ko’ordenador programa Esperensa Futuru labarik, Albertina Isabel Magno hateten.” Iha atividade refere, ami sei suporta no motiva tan alin sira, hodi reforsa sira nia materia eskola durante iha tempu Pandemia COVID-19 ne’ebe hapara ka limita sira nia aprendisazen husi sira nia eskola ne’e rasik. Tam-ba ne’e ami hola mos inisitiva hakarak hamosu programa refere. Hau husu mos ba ukun nain sira no ajensia hirak ne’ebe tau matan ba labarik sira, karik bele fo apoiu ami nia atividades ida ne’e atu nune’e bele efetivu liu tan.”
Iha biban ida ne’e, Visi daruak (II) Ko’ordenador, Programa Esperansa Futuru Labarik, Melquianos da Silva Expresa.” Hau hakarak fahe esperensia ne’ebe hau hetan ona husi eskola no formasun balun ne’ebe hau iha, ba alin sira hodi hasae, sira nia abilidade, mentalidade matenek. Tam-ba labarik sira barak mak abandona iha situasaun Pandemia COVID-19, tam-ba la iha telefone android no mos iha eskola primaria balun la iha aprendisazen online. Ho razaun ida ne’e atu fo kursu lian portugues no Ingles atu bele aumenta sira nia matenek. Alende ne’e mos, reforsa tan materia ne’ebe sira hetan ona iha eskola hanesan, materia matematika no siensia sira seluk atu nune’e sira labele haluha. Bainhira hahu Iha aprendesazen ne’e, labarik sira antoziasmu los atu aprende, maske sira ladu’un hatene diak iha lian portugues, ingles no matetimatika. No materia sira ne’ebe sira hetan ona iha sira nia eskola, ida ne’ebe sira la hatene bele konfirma ho ami, hodi ami fo esplikasaun fali tuir ami nia hatene.
Discussion about this post