UPDATE: Timor – Leste Rezista Aumenta Ema mate ho Kazu COVID-19 Iha 80.

By: Cristiana  Belo

Bazeia ba Sala Integradu Jestaun de Krize (SIJK) nia updates katak dadaun ne’e Timor – Leste rejistu ona kaju obitu hamutuk 80. Kazu obitu  refere  rejista husi 21 de Marsu 2020 to’o 5 de Setembru  de 2021.

Total óbitu ne’ebé relata ohin, 5 de Setembru  2021 iha  2 (Rua), ho detalle hanesan tuir mai:

“Bebé mane, idade fulan 10, Timoroan, inan-anam hela iha Baucau, iha 2 de Setembru de 2021, diagnóstikadu iha Centro Saúde Riamare, Baucau, ho sindroma insufisiénsia respiratória aguda (SIRA) tan bá Covid-19. Matebian sofre mós desnutrisaun severa ho ensefalite. Matebian i’is-kotu horiseik 17h30. Familia kordena ho ekipa saúde hodi hala’o funeral tuir protokolu ne’ebé adopta iha Timor-Leste.

 Mane, idade tinan 58, sidadaun estranjeiru, hela iha Aileu, vasina kompletu, iha 27 de Agostu de 2021 diagnóstikadu iha HNGV, ho sindroma insufisiénsia respiratória aguda (SIRA) tan bá Covid-19. Iha loron ne’e kedas matebian hala’o tratamento iha Lahane. Matebian i’is-kotu ohin 14h55. Familia kordena ona ho ekipa saúde atu hala’o funeral tuir protokolu ne’ebé adopta iha Timor.” Katak Dr. Rui Maria de Aroújo. (5/09/2021).