Vasinasaun Covid-19 Iha Munispiu Dili Seidauk Atinji 100%

Reporter: Virgilio Viana

Husi fulan Abril to’o Agusto tinan rihun rua ruanulu resiin ida (2021) Komunidade munisipiu Dili ne’ebe  simu ona vasinasaun, hamutuk ho pursentu walu nulu 80%. ba doze dahuluk ho pursentu hitu nulu resin ida 71%. doze daruak ho pursentu lima nulu resin ida 51%. no ba ema ne’ebe seidauk simu vasinasaun  ho total rihun ne’en nulu resin rua atus hitu ruanulu resin lima 62.725 .

Vise ministru saude Sr. Bonifacio Maucoli dos Reis hateten. “ Obejtivu avaliasaun ba vasinasaun  COVID-19 iha munisipiu Dili hare  kona-ba progessu no dezafius sira ne’ebe maka sei iha. Oinsa atu buka nia solusaun  no  agora  dadaun  doze dahuluk nia  atinje ona ba pursentu hitu nulu resin ida 71% no segunda doze ho pursentu lima nulu resin ida 51%

sei iha avansa maka’as ba iha loron hirak tuir mai tam-ba tempu to’o ona para sira atu hetan segunda doze. Ohin enkontru ida ne’e hanesan avaliasaun para hare’e sira nia progre su, atendementu no mos hare’e fali dezafius sira ne’ebe maka sei iha hodi bele solusiona, oinsa ba restante sira ne’ebe maka seidauk simu vasina atu nune’e sira bele hetan fali vasina”.

Dadaun ne’e Timor – Leste Rejista Kazu pozitivu COVID-19 ho total 247. Husi Munisipiu Dili 192. Kazu rezistadu refere mai husi loron 17 – 07- 2021.

Alende ne’e sr. Bonifacio Maucoli dos Reis esclarese. “ Horseik iha loron sanulu resin hitu  fulan Agustu  tinan rihun rua ruanulu resin ida 17-07-2021 Timor-Leste rezista kazu pozitivu  atus rua ha’at nulu resin hitu(247) husi munisipiu Dili hamutuk atus ida sianulu resin rua(192) no lima nulun resin lima husi munisipio sira seluk no ermera sei mantein  rezista kazus variante delta ho total sanulu resin rua(12)

“ita hare’e kazu horseik nian iha Dili rezista 192 kazus, Timor-Leste rezista kazu 247 iha Dili kazus 192 restu husi munisipio Bobonaro,Ermera no mos Oe-cusse. Sensiabilizasaun  ne’e importante tmba ida ne’e maka enkontru hamutuk ho liders autoridade lokal sira tamba sira maka besik liu komunidade sira oinsa atu sensiabiliza ita nia komunidade sira atu bele hetan vasina, tamba ho vasina de’it maka ita bele proteze an husi virus covid-19 no mos virus variante delta ne’ebe mak agra dadaun besik hela iha ita nia vizniho no mos Ermera rezista 12 kazus, tamba ida ne’e iha posibilidade bo’ot bele mos infreta mai iha munisipio Dili ho kazu ne’ebe horseik sae maka’as ita mos bele deskonfia, mnaibe la’os presizamente rezultado sira ne’e ita sei konfirma fali iha Australia foin hatene lolos katak virus delta ka la’e.”    katak sr. Bonifacio     

Iha fatin hanesan prezidente autoridade munispio dili sr. Gaspar soares hateten atu fo apoiu  nafatin ba autoridade munisipio dili ho nia komponente hotu-hotu administrador postu konselho suku sira halo sosializasaun ba komunidade sira oinsa atu prevene no labele hadaet virus ne’e   .

Sr. Gaspar Soares deklara.”avaliasaun ne’e katak mita atu hare’e ita nia progressu no dezafius importante ne’ebe maka ita hasoru, durante durante munisipio dili infrenta oinsa atu funu hasoru previzaun covid-19 esforsu hotu-hotu hahu husi nasional to’o iha aldeia  ita halo  iha momentu ida ne’e dadus ikus liu ne’ebe maka  hatudu mai ita katak seidauk tama iha situasaun ne’ebe difisil liliu iha munisipio Dili. Dadus sira ne’ebe hatudu mai ita oinsa ita atu esforsu liu tan liliu ita mos agora hasoru variantes foun ne’ebe afeta mos munisipio seluk ita hatene Dili mos iha risku maibe hein rezultadu loron 2 ga 3 maka foin hatene. no mos servisu ministeriu  nia ami agradese tebes atu fo apoiu masimu ba masimu ba autoridade munisipio Dili ho nia komponente hotu-hotu, administrador postu, konselhu suku sira prontu atu fo sumporta masimu oinsa atu lori ita nia komunidade ba primeiro halo sensiabilizasaun atu prevene moras ne’e labele hada’et no segundo fa apoiu masimu ba servisu saude sira nia hodi halo vasinasaun ba ita nia komunidade sira.” 

Sr. Gaspar soares informa mos dadus ba munispio dili nian. Ne’ebe maka iha ona targetu, ema hamutuk rihun atus rua tolu atus ha’at (203.400) simu ona vasinasaun rihun atus ida lima nulu resin ida ne’en nulu resin lima(151.65).no seidauk simu maka rihun ne’en nulu resin rua atus hitu ruanulu resin lima (62.725).

 “Dadus hatudu iha ne’e katak Dili tama ona iha ita targetu ema hamutuk 203.400, ita halo ona vasinasaun 151.65,populasaun ne’ebe maka saidauk simu vasinasaun maka 62.725 ita hotu nia esforsu hamutuk hodi garantia ita nia komunidade sira ne’ebe maka seidauk simu.”Sr. Gaspar soares informa ba jornalista radio rakambia iha hotel timor,loron(18/08/2021)  quarta feira semana nee.