By: Cristiana Belo
Bazeia ba dadus ne’ebe Journalista Radio Rakambia no ekipa Redi Midia Timor – Leste (RMTL) asesu liu husi nota de imprensa husi ekipa Sala Integradu Jestaun de Krize (SIJK) ne’ebe hetan updates husi Cordenador Forsa-Tarefa ba prevensaun no Mitigasaun surtu Covid-19 iha Timor – Leste Dr. Rui Maria de Aroújo. Husi loron 19 – 21 Agostu 2021.
Komparativu ne’ebe mak ekipa RKM no RMTL halo husi 19 -21 Agostu 2021 hatudu katak kazu foun komesa aumenta, loron ba loron.
Kona-ba kazu detetadu foun iha 24 oras ikus ho total: 826. Kazu foun refere mai husi Munisipiu Dili ho total 549, tuir mai husi Munisipiu Baucau 50, Munisipiu Covalima 32, Manufahi 29, Raeo 29, Ainaro ho total 22, Manatutu 20, Munisipiu Bobonaro 11, Eremera 10 no Viqueque 9. Munisipiu sira seluk 0.
Bazeia ba Tabela Evolusaun Surtu COVID-19 Iha Timor – Leste Ne’ebe iha leten, ba loron tolu nian Hatudu mai ita katak kazu pozitivu sae, kompara ho loron sira seluk iha semana 2 liu ba.
Alende ne’e ita iha mos kazu Rekoperadu iha 24 oras ikus ho total: 71. Ba kazu rekoperadu refere mai husi Munisipiu Ainaro 14, Bobonaro 9, Dili 35, manatutu 1, Raeo7 no Viqueque 5.
Bazeia ba SIJK nia updates katak dadaun ne’e Timor – Leste rejistu ona kaju obitu hamutuk 46. Kazu obite refere rejista husi 21 de Marsu 2020 to’o 21 de Agostu de 2021. Total óbitu ne’ebé relata ohin, 21 de Agostu 2021 iha 4 (haat), ho detalle hanesan tuir mai:
– Feto, idade tinan 73, Timoroan, hela iha Dili, iha 20 de Agostu de 2021, diagnótikadu ho sindroma insufisiénsia respiratória aguda (SIRA) tan bá COVID-19 (PCR pozitivu ho CT 36,5). Matebian sofre mós hipertensaun. Iha fatin isolamentu Lahane, hala’o tratamentu tuir protokolu ne’ebé iha, maibé matebian i’is-kotu horikalan 22H00 tan bá falénsia orgaun lubuk-ida (multiple organ failure). Resultadu PCR hafoin i’is-kutu hatudu CT 34,9. Familia kordena hela ho ekipa saúde atu hala’o funeral tuir protokolu ne’ebé adopta iha Timor-Leste.
– Mane, idade tinan 74, Timoroan, hela iha Dili, iha 20 de Agostu de 2021, diagnótikadu ho sindroma insufisiénsia respiratória aguda (SIRA) tan bá COVID-19 (PCR pozitivu ho CT 24,3). Matebian sofre mós hipertensaun. Iha fatin isolamentu Vera Cruz, hala’o tratamentu tuir protokolu ne’ebé iha, maibé matebian i’is-kotu horikalan 22H45 tan bá falénsia orgaun lubuk-ida (multiple organ failure). Resultadu PCR hafoin i’is-kutu hatudu CT 14,9. Familia kordena hela ho ekipa saúde atu hala’o funeral tuir protokolu ne’ebé adopta iha Timor-Leste.
– Feto, idade tinan 36, Timoroan, hela iha Dili, iha 11 de Agostu de 2021, diagnótikadu iha HNGV ho sindroma insufisiénsia respiratória aguda (SIRA) tan bá COVID-19 (PCR pozitivu ho CT 28,0). Matebian sofre mós diabete. Iha fatin isolamentu Vera Cruz, hala’o tratamentu tuir protokolu ne’ebé iha, maibé matebian i’is-kotu ohin dader 03H00 tan bá falénsia orgaun lubuk-ida (multiple organ failure). Resultadu PCR hafoin i’is-kutu hatudu CT 11,7. Familia kordena hela ho ekipa saúde atu hala’o funeral tuir protokolu ne’ebé adopta iha Timor-Leste
– Mane, idade tinan 46, Timoroan, hela iha Dili, iha 21 de Agostu de 2021, diagnótikadu iha Emerjénsia HNGV ho pneumonia tan bá COVID-19 (PCR pozitivu ho CT 19,8). Enkuantu sei hala’o tratamentu inisiál iha Emerjénsia 3 HNGV tuir protokolu ne’ebé iha, matebian i’is-kotu, maizoumenus 11H45 dader, tan bá emobolia pulmonar. Rezultadu PCR hafoin i’is-kutu hatudu CT 16,8. Familia kordena hela ho ekipa saúde atu hala’o funeral tuir protokolu ne’ebé adopta iha Timor-Leste.
Discussion about this post