By: Robelson Cardoso
Baseia ba updates regular husi komisaun Interministerial ba implementasaun Vasina CIVID-19 katak populasaun ne’ebe simu vasinasaun COVID – 19 hetan partisipasaun masimu iha munisipiu Tolu (3) mak hanesan munisipiu Dili, kovalima no viqueque.
Tuir informasaun ne’ebe Journalista Radio Rakambia asesu iha inkontru refere, dadaun ne’e Implementasaun vasina kontra Covid-19 iha munisipiu Covalima atinji ona 40.0% Dili hetan 58% no Viqueque hetan 41.3% ne’ebe lidera kobertura as liu iha teritoriu Timor-leste tomak, kompara ho Munisipiu sira seluk. Atividade ne’e hala’o iha Ministeriu Solidaridade, Sosial no inkluzaun (MSSI), kaikoli sesta feira (23-06-2021).
Porta voz Komisaun inministerial Dra.Danina Coelhu iha konferensia da imprensa hateten. “Desizaun governu nian, hala’o atividade iha munisipiu lao nafatin to’o agora. Hahu iha Agostu ne’e, atu halo kobertura maka’as liu iha fronteira ne’eba, tam-ba iha risku bo’ot ba iha VARIANTE DELTA.
Hanesan informasaun hotu ne’ebe ita hatene, akompanha iha televizaun katak, iha indonezia variante ne’ebe maka’as liu maka variante DELTA, informasaun ne’ebe ita iha relasaun ho ita nia kobertura. Ami mos atualiza semana semana iha ne’e. Ita ohin hare iha ita nia titulu ne’ebe, maka ita realsa katak vasina alende Dili ne’ebe ke iha mak 58% kobertura, ita mos hare katak Kovalima ho Vikeke mos ho kobertura ne’ebe bo’ot, Kovalima iha 40.0% Viqueque 41.3%. Kobertura ne’ebe diak teb-tebes iha munisipiu sira ne’e.
Tantu ita nia agradesimentu no parabens ba munisipiu Kovalima ho Viqueque, husu para munisipiu hotu hotu mos atu halo tuir ida ne’e, aumenta kobertura vasina nian, tamba ida ne’e maka unika dalan ne’ebe ita bele hapara pandemia, atu ita bele fila fali ba ita nia vida normal, so ho vasina ne’e maka ita bele lao ba ida ne’e.
Portantu ohin ami mos hakarak fahe informasaun, kona- ba kuantidade vasina ne’ebe mak ita simu ona iha Timor-leste, ate agora ita iha semana kotuk ne’e, iha informasaun katak ita simu husi Portugal 12 Mill, dozes Tan, ne’ebe total ate agora ita simu ona maka 464,380 mil doze mak ita simu ona iha Timor – Leste.
Entermus de kobertura vasina Timor-leste tomak ita vasina ona 34.8% Primeira doze Segundo doze ita iha 9.9% mak 10% ona. Dili persentazen bo’ot iha 59.3% besik ona 60%, ne’e ba primeira doze ba segunda doze 28.9%, kobertura ida diak teb-tebes iha Dili, vasinasaun ba ema ne’ebe mak elezivel ho idade superior tinan 18.”
Hakarak mos aproveita oportunidade ida ne’e,agradese dala ida tan ba governu Japaun ne’ebe mos fo doasaun vasina ba ita liu husi mekanizmu COVAX
“vasina ne’e governu Japaun fo hamutuk 168.000 doze ho tan vasina sira ne’ebe governu Australia promete ita iha inisiu fulan oin Agostu ita sei iha kuaze 50.000 Mill doze de vasina atu nune’e ita bele aplika planu ne’ebe maka governu deside liu husi Komisaun inministerial, atu halo vasinasaun masimu ba iha munisipiu sira husi fronteira ne’e dala ida deit.
Mezmu ita vasina ona dala rua kumpri nafatin regras sira ne’ebe iha, kontrolu Covid-19 nian fase liman uza nafatin maskra. Ita hotu tenki kontribui atu nune’e VARIANTE DELTA labele tama iha ita nia rai. Portantu Timor tomak primeira doze 34.8% segundu doze 9.9 10%,
Ate agora ita apela nafatin ba konsiensia kada idak idak ninian,kadaves governu mos fo regras ruma ne’ebe mak vasina ona tenki iha vantajen ruma, ne’e maka ita hare katak ita ne’ebe mak vasina dala rua ona livre ba movilizasaun. Neste momentu ita labele obriga ema ida atu vasina ne’e dunik,ita nafatin apela ba ema nia konsensia.” Tenik Dra.Danina Coelhu
Discussion about this post