By: Erciana Fernande Belo
Youth For Peace halao jogus amizade entre joven ba joven, atividades refere halao iha Benfika, Dili, Timor – Leste.
Iha biban ida ne’e, estracker husi Timor – Leste youth for peace, Nathlie hateten wainhira tuir atividade youth for peace nia bele sai joven produtivu no esportif.
“Hau hakarak tuir atividade hanesan ne’e tam-ba hakarak aprende oin-sa atu sai joven ne’ebe mak produtivu no sai joven ne’ebe mak esportif”
Estracker youth for peace Nathlie Espresa kotenti tuir atividade hirak ne’e tam-ba bele kria amizade ho ema sira seluk .
“Hau senti kontenti, tuir atividade ida ne’e, sempre tuir atividade sira hanesan ne’e ho hau nia kolega sira. Liu husi atividade desportu footsall entaun, hau senti ita bele aprende liu tan oinsa atu bele kria amizade ne’ebe metin entre grupu voluntariu.”
Benefisiu ne’ebe nia hetan iha atividade ne’e bele sai jovensaudavel no kria pas ho joven sira
“Benefisiu ne’ebe hau hetan husi atividade ida ne’e halai liu ba iha desportu entaun hau bele sai joven ne’ebe saudavel liu tan , hametin hau nia relasaun ho hau nia kolega joven sira seluk no mos kria pas ho sira.Sim hau nia inan aman aseita 100 % tamba ida nee atividade diak ne’ebe ke ita joven bele tuir ”
Iha fatin hanesan, estudante CC , Carcilio Ximenes espresa katak kontenti tamba bele servisu fali mesmu iha situasaun pandemia nia laran.
“Nu’udar joven, kontenti tebes ho atividade hanesan ne’e tam-ba tuir ita hotu akompana durante covid ne’e ,atividade sira hanesan ne’e la lao atividade sira hotu para, entaun foun fali atividade sira hanesan nee mosu , ami senti buat ne’ebe uluk ami halo ne’e ami nia entusiasmu ne’ebe uluk ami partisipa ne’e mai fali ona entaun ami agradese tebes ba organizasaun ne’ebe organiza atividade ida nee tam-ba ida nee hanesan dalan ida ne’ebe diak atu halibur fali joven sira atu fanu fali sira atu kontinua servisu nafatin mesmu iha situasaun pandemia ninia laran.”
Carcilio Ximenes hatutan objetivu husi atividade atu halibur joven sira hodi haluan konesimentu , espreriensia no kria redi de amizade .
“Hanesan foin hau mensiona tiha ona , atividade ida nee nia objetivu atu halibur joven sira , ho nia objetivu prinsipal atu selebra loron labarik feto sira nian entaun ida ne’e mos ami hakarak tuir atividade sira hanesan ne’e tam-ba ami mos hakarak inklina aan hotu atividade joven nian atu nunee ami bele haluan liu tan ami nia redi de amizade ho ema sira seluk no mos bele haluan liu tan ami nia konesimentu , ami nia esperiensia liu husi atividade sira hanesan nee,tam-ba atividade sira ne’e atu halibur joven sira entaun ,ida ne’e buat ida neebe diak mai ami atu partisipa.”
Carcilio ximenes mos hateten katak atividade nee laos primeiru ba nia no ho esperiensia nee iha , sira lakohi lakon oportunidade atu partisipa atividade ne’e.
“Atividade ida nee laos primeiru mai ami liuliu ba ami nia organizasaun ami tuir atividade barak ona ne’ebe mak organiza husi organizasaun oi-oin iha Dili laran, liuliu husi organizasaun ne’ebe mak voluntariu joven sira nian no se hau bele dehan ida ne’e ba dala sanulu ona ami partisipa atividade sira hanesan ne’e , tamba ida nee mak ami mos ho esperiensia ne’ebe mak uluk ami iha tiha ona. Ami lakohi lakon, nafatin ami nia oportunidade ida ne’e hodi partisipa nafatin iha eventu sira hanesan nee .”
Carcilio Ximenes mos hatutan benefisiu husi atifidade nee “ami bele hatene liu tan organizasaun nia misaun no vizaun
“Hanesan ohin hau mensiona tiha ona nu’udar joven ida nee fo benefisiu barak tebes mai ami ,pessoalmente no mos ba ami nia organizasaun, liu-liu ami nia organizasaun no organizasaun sira seluk atu bele konese malu , atu bele hatene liu tan organizasaun nee nia misaun halo nusa no sira nia vizaun ne’e saida, no mos nu’udar individu ida nee mos diak mai ami atu bele haluan redi de amizade ho sira seluk no mos bele konese diak liu tan saida mak amizade nee rasik.’’
Carcilio Ximenes dehan nia hetan suporta husi inan aman atu tuir atifidade ne’e no wainhira hasoru problema joven nian sira koko hasoru problema ho laran kmaan hodi fo solusaun neebe diak.
“Horiuluk kedan hau nia inan aman sempre suporta tebes hau liuliu atividade sira neebe mak sempre lori esperiensia ne’ebe pozitivu mai hau no mos ba hau nia konesimentu nu’udar joven ida .
Nu’udar atividade ne’ebe mak halibur ema barak ,dala ruma mos iha mos problema ne’ebe mosu entre joven ho joven hanesan jogu sira hanesan nee mos bele hamosu moos problema entre joven sira maibe ida nee laos problema sira neebe hau hasoru , nee hanesan problema sira ne’ebe bain bain ema hasoru iha jogu nia laran, entaun nee problema sira ne’ebe mak bele rezolve entre joven ho joven ne’ebe bainhira ita tuir atividade sira hanesan ne’e nu’udar joven sempre koko hasoru laran kma’an nafatin no sempre loke hanoin ba malu nafatin atu nune’e buat saida mak ita hasoru karik ita bele fo solusaun ne’ebe diak”
Discussion about this post