DSMPPTT Ka KSUJETL Nasional Oferese Fundus Koperativa Ba Membrus.

Benifisiariu Coperativa fundus rotativa grupu hat (4) haesan STIE, GFFTL, Dewan Mini Ainaro no Dewan Mini Manatutu. Sesaun foto depois de lansamentu, iha Sekretariadu DSMPPTT Kampung – Alor, Dili, Timor –Leste. Sesta Feira. (25-06-2021). Photo by: Nunu DSMPPTT

By: Lizia do Amaral

Dewan Solidaritas Mahasiswa Timor – Timor (DSMPPTT)  ne’ebe ho naran tetum Konselu solidaridade Universitariu Juventude Timor – Leste (KSUJETL) fo apoiu fundus koperativa rotativa ba nia membru  dewan mini Manatutu,  Ainaro, Sekolah Tingi Ilmu Ekonomia (STIE) no  Grupu Feto Foin sae Timor – Leste (GFFTL) Fundus ne’e, hetan apoiu husi Gabineti Primeru Ministru Timor – Leste liu husi Gabineti Apoiu Sosiedade sivil ho montante $ 15.000. Husi fundus refere dewan mini Manatutu hetan $4.000. Dewan Mini Ainaro hetan $3.000.  GFFTL hetan $3.000 no STIE hetan $5.000.

Co’ordenador Programa Coperativa DSMPPTT Nasional. Sr. Domingos Abrao Xavie. Esplika hela lalaok Cooperativa ne’ebe fahe ona ba grupu Cooperativa hat (4) ba Journalista Radio Rakambia iha sekretariadu DSMPPTT kampung Alor, Dili, Timor – Leste. Tersa( 06 /07/2021).  Photo by: Erciana Belo

Co’ordenador Programa Coperativa DSMPPTT Nasional. Sr. Domingos Abrao Xavier hateten  DSMPPTT hanesan nain fo osan rotativa ho total  $15.000   ba membro koperativa Haat. Maka hanesan Dewan mini Manatutu, Ainaro, GFFTL no STIE iha tinan rua nia laran, bazeia ba planu depois de tinan rua (2) fundus refere sei monu fali ba dewan Mini musnisipiu seluk ka memberu seluk.

 Abrao Xavier hateten.“ DSMPPTT sai nain fo osan ba  grupu coperativa haat.  Osan inisiu ne’ebe dewan fo ba sira, sai hanesan osan rotativa ne’ebe fo ba membro kooperativa  sira para  sira  uza  to’o  tinan rua  depois tinan rua sira bele hatama  fila fali.  Atu nune’e osan refere  ba munisipiu seluk.

 Osan  total  rihun sanulu resin lima (15.000) ne’ebe grupu STIE  hetan $5.000 grupu feto hetan $3.000  grupo husi dewan mini Manatutu hetan $4.000 grupo husi dewan mini Ainaro hetan $3. 000.

Abrao Xavier esklarese katak grupo koperativa  haat ne’ebe halao osan rotativa iha nia kriteria no planu atu maneja osan refere.

“Iha regras balun ne’ebe  ami fo ba grupu kooperativa maka iha kontratu ida kona-ba  osan ne’e osan rotativa ne’ebe grupu bele uza. Kriteria diak liu  mak grupu koperativa hirak ne’e iha  kontratu no planu  foti osan ne’e rasik.  Ne’e nia grupo laran fali ona.”

Durasaun tempu ba  fundus koperativa ne’ebe fo ba  grupu koperativa  haat  hamutuk tinan rua (2)  hakerek ona iha akordu laran.

“Durasaun tempu durante tinan rua bazeia ba akordu ne’ebe iha. Iha akordu ne’eba koalia mos kona-ba osan fundos kooperativa.  Osan fundos rotativa ne’ebe tenki fo fila iha tinan rua (2) nia laran. Kordenador DSMPPTT  Domingos Abrao Xavier informa ba Journalista Radio Rakambia iha sekretariadu DSMPPTT kampung Alor, Dili, Timor – Leste. Tersa( 06 /07/2021).  

Bazeia ba planu prioridade atividades koperativa husi dewan mini Manatutu, dahuluk sei rekoilha uluk nia membru hirak ne’ebe uluk hola parte iha rejistensia hahu husi 1993 mai to’o iha 1999.

Iha biban ida ne’e,  ko’ordenador dewan mini munisipiu Manatutu Sr.Fransisco Pires hateten. “ Primeiro prinsipiu,  ami rekolha uluk ami nia membru sira ne,ebe uluk hola parte iha rejistensia hahu husi 1993 to mai iha 99. Ami fahe formatu ida ne’ebe mai husi dewan  nasional,  depois  rekoilha  sira nia foto hotu. Ami prepara  dokumentus  sira ne’e hotu,  foin kria inkrontu ida para forma  estrutura. Hafoin delega ida sai nu’udar konselu hodi tu’ur iha organijasaun ne’e para tau matan  ba membru sira.

 Dewan Mini Manatutu  sei stablese  uluk statutu koperativa hodi sai modelu ba atividades koperativa hodi akomula nia memberu tomak.  

Katak Ko’ordenador Ko’operativa Dewan Mini Manatutu.”Modelu  koperativa ne’ebe agora ami uja dadauk ne’e sistema kreditu. Ami la fahe osan ne’e ba postu ida idak maibe, konsentra deit  iha munisipiu,  memnbru sira ne’ebe atu impresta ne’e mak mai inpresta. Ami sei establese uluk, estatutu koperativa hodi akomula membru tomak. Tamba ami ninia menbru dewan sira ne’e iha direitu hodi investe sira nia osan ba iha laran atu nune’e lori interese  ida ne’ebe iha dadauk ami atu simu ne’e,  hodi  bele hakbi’it sira nia forsa ida idak. Nune sira bele moris susesu ka  garante sira nia moris ba tenpu naruk.”

Montante osan ne’ebe mak dewan mini Manatutu simu husi Sekretariadu DSMPPTT $4.000 dolares Amerikanu.

“osan  ne’ebe ohin ami simu  hamutuk quatro mil ($4.000) maibe ami nia estatutu dewan mini  munisipiu Manatutu mos la taka dalan ba kada menbru ida. Ami iha  artigu balun ne’ebe obrigatoriu sira tenke iha,  bolu dehan osan voluntariu. Osan obrigatoriu voluntariu katak membru tenke hatama 5 dolar  atu sai membrus,  nia tenke iha vinte cinco dolar virgula seisenta sinco sentavos.”katak ko’ordenador dewan mini Manatutu.

Iha biban ida ne’e ko’ordenador Dewan Mini Munisipiu anunsiu ba estudantes jerasaun foun sira atu labele lakon espiritu maske iha tempu Pandemia COVID-19 ne’ebe afeita ba ita.

“Lia menon ba  estudante kik joven sira hotu katak,  labele lakon esperansa mesmu ita iha kondisaun ohin loron moras mundial. Dala ida tan  keta lakon esperitu mai-be  forti atu hakbesik an iha dewan sira ne’ebe uluk hola parte iha rejistensia hodi nune ita bele hamutuk.  Atu hari’i ita nia garante ita nia kondisaun, muda ita nia moris hodi nune’e ita iha esperansa ba futuru.”  

Antes de atu halai ba iha neeba hanesan hau husi dewan silidaritas masisua blagar ba timur timur dwan ni nia ainaru ninia hau mak diretor ba dala tolu primeiru mak senhor jose magno segundo senhor antero bendito treseiro mak hau neebe iha primeiro neebe iha uluk nee ami tama registensia ninia durante

Iha fatin hanesan, Presidenti Ko’operativa dewan mini Munisipiu Ainaro Felismino de Jesus  senti kontenti tam-ba iha luta naruk, tinan 20 nia laran  hafoin Governu Timor – Leste rekoinese fo fundus kooperativa ba DSMPPPTT.  

Katak Presidenti Koperativa Dewan Mini Munusipiu Ainaro.“Tinan 20 la rekoinese. Depois iha tinan 20 foin rekonese husi guvernu nee mak hau senti kontenti ho ida ne’e. Atividade koperativa ida ne’e ami senti hafanu ami nia hanoin atu halo buat ruma entre ami nia ogranizasaun  dewan mini sira.  

Koperativa ne’ebe mak atu halo iha ne’eba,  primeiru simpan pinjam,  segundu ami hakarak hakiak animal, liu liu animal koelho.  Koelho ne’e diak tam-ba  nia han buat ne’ebe mak laos atu  sosa no  nia mos iha fatin deit, no perkembang  lalais. No  iha fatin ne’eba mos, seidauk iha entaun ida ne’e bele hamoris,  para komunidade  bele hetan.  

Montante osan ne’ebe agora dewan fo dadauk ne’e iha tres mil ($3.000)  ami membru agora 15 pesoas.  Orsamentu ne’e labele para iha hau, orsamentu nee tenke sai hotu ba menbru sira. Hotu – hotu tenkiser hetan hotu. Tuir akordu ne’ebe iha.”

Iha Fatin Diferente, Prezidente coperativa de credito eis estudante STIE de Timor Lorosa’e (CCETL)  hatutan, dadaun ne’e, sira  halo ona manajementu ba orsamentu ho total  Sinco mil dolares Americano ($5.000)  ne’ebe mai husi DSMPPTT.  

“Ami halo manajementu ho fundus ne’ebe lansa mai iha STIE iha dia 8 de Junhu  ho fundus total Sinco mil dolares americano ($5.000). Dewan solidariedade fo tempu mai ami iha tinan rua, ho  razaun iha tempu ida ne’ebe ke badak hanesan nee entaun , ami haree ba fundus ne’ebe mak iha. Ami aloka tutan ba iha membrus hamutuk nain sanolu resin lima (15)  ne’ebe mak iha. Ho razaun katak wainhira tinan rua  nee osan  fila fali ba dewan solidariedade atu kontinua, ba iha koperativa husi  dewan mini sira seluk. Entaun osan ne’e tenki hela deit nia funan ne’ebe maka ami hetan, nune’e ami bele halo  kontinuasaun nafatin depois dois anos.”Dehan Mriano