Organizasaun Resistensia Feto Foin Sae DSMPPTT KA KSUJETL Hetan Apoiu Fundus Husi GASS.

Sesaun Photo hamutuk, depois de lansamentu ba grupu benifisiariu Ko’operativa, kompostu husi Feto GFFTL ka Feto Iha solidaridade, Dewan Mini Manatutu, Dewan Mini Ainaro no grupu estudante STIE. Iha  Sekreatariadu DSMPPTT, Kampung – Alor, Dili, Timor – Leste. Sesta –Feira.(25/06/2021). Photo by: Nunu DSMPPTT

By: Ligia Guteres

Organizasaun Resistensia GFFTL Ne’ebe hakna’ar an iha Dewan Solidaritas Mahasiswa Pemuda Pelajar Timor – Timur (DSMPPTT) iha 1998 ka ho naran Tetum  Konselu Solidaridade Universitariu Joventude  Estudante Timor – Lorosae (KSUJETL).  Iha tinan ida ne’e (2021) hetan oportunidade Fundus Transparensia Publiku, mai husi Governu Timor – Leste liu husi Gabineti Apoiu Solidaridade Sosial (GASS)  ka  Gabineti Primeru Ministru ne’e rasik.   

Grupu Feto Foin Sae  Timor – Leste (GFFTL) ka Feto iha Solidaridade, ba planu prioridade lubuk ida ne’ebe mak sei trasa hamutuk ho membru sira  ba atividades Koperativa Kreditu refere.

Iha oportunidade ne’e  Ko’ordenadora GFFTL Sra. Tereza Maria de Carvailho ba journalista Radio Rakambia iha nia intervista  hateten. “ Ami nia planu sei trasa hamutuk tanba iha atividade barak ne’ebe mak ami atu halo,  mai-be prioridade mai ami mak  sei uja fundus ne’ebe iha,  atu halo koperativa  kreditu ba menbru sira.

Ami hare ami nia fundus sira diak ona, sei halo kreditu ekonomia seluk hanesan, agrikultura tam-ba ami hanoin katak, ho osan montante ne’ebe naton, la sufisiente. Ami iha planu hat (4) maibe seidauk stablese, desidi planu hat (4) ne’e bele pasa hotu ka lae. Mai-be hanoin katak, ami nia planu primeiru ne’ebe mak ami sei fo kreditu ba menbru koperativa sira, atu nune’e bele aumenta fundus,  para ami bele halo ami nia atividades, liu liu iha area kultura ba feto sira, tam-ba feto maluk sira ne’ebe mak oras ne’e dadauk halo hela sira nia negosiu, sira nia to’os,  modo ne’ebe atu fa’an. Hau hanoin ida ne’e importante ba ami tam-ba ami nia grupu tau intensaun ba ida ne’e. Ba periodu agora, ami sei hare uluk  kreditu ba menbru sira.”

Ko’ordenador GFFTL hatutan.“  Iha semana ne’e nia laran, sei hare’e  modelu koperativa ne’e oin-sa tam-ba kolega sira ne’ebe mak atu halo planu  ohin la marka prejensa. Sira mak prepara atividade sira ne’e hotu. Ami hanoin katak, ami sei iha grupu ka membru deit mak  bele hetan asesu ba fundus ne’ebe iha. Ema ne’ebe mak  latama grupu sei la asesu ba osan ne’ebe ami hetan.”

Fundus ne’ebe GFFTL hetan husi sekretariadu Dewan Solidaritas Mahasiswa Pemuda Pelajar Timor – Timur (DSMPPTT) ho montante dolares Amerikanu $3.000  

“Ami hetan fundus husi dewan tres mil dolar ($3.000) durasaun tempu ba ami tinan rua tam-ba ne’e  ami sei aselera oin sa mak bele halo lalais progama ne’e, to tinan rua karik osan ne’e iha ami intrega ba dewan. Ami mos iha fundus ne’ebe, suvisente atu loke atividades  diak liu ba komunidade mais prioridade sei halo atividades entre ami menbrus deit.  

Ami hanoin,  sei hare kada membru ida hira, menbru nain hira,  minimu masimu sanulu. Mai-be ami hanoin katak ami nia menbru sei barak liu nain sanulu, entaun ami sei hare lai menbru ne’e. Depois  avansu fulan tolu (3) ba neen (6).  Ami hare montante osan aumenta tan, maibe agora, ami seidauk desidi katak ami sei fo hira ba menbru, tam-ba agora dadaun ne’e ami iha menbru nain sanulu resin  rua. Karik sei mai tan, entaun ami seidauk bele koloka osan ne’e agora,  mai-be ami sei hare ba ami nia menbru sira.” Katak Ko’ordenadora GFFTL.