By: Robelson Cardoso
Governo Nova zelandia hamutuk ho CARE internasional fo apoiu umanitaria ekipamentus Be’e ho total orsamentu hamutuk milaun Ida pontu walu doleres Amerikanu. ($.1.8.) ba governu Timor-Leste liu husi Ministeriu da Saude ba apoiu vitima inundasaun. Atividade ne’e hala’o iha Palasiu da sinzas kaikoli Dili, Timor – Leste. (02/06/2021).
Iha biban ida ne’e, Embaisador Nova zelandia Sr.Philip Hewitt, Katak.“ Nova zelandia suporta Timor Leste ho montante milaun Ida pontu Walu Dolers Amerikanu (1.8) iha sasan umanitaria no ami servisu hamutuk ho CARE no Ministeriu da Saude atu halo destribui sasan ba komunidade vuneravel sira, ne’ebe afeta liu ba Be’e mos. Nova zelandia suporta Timor – Leste tamba kolega diak. Tamba ne’e, Nova zelandia responde ba inundasun. Ami hakarak komunidade sira labele preokupa husi inundasun. Ami servisu ho ajensia barak ho Ministeriu da Saude, Care International no Unicef, suporta fo sasan ba komunidade.”
Alende ne’e, reprezentante diretor jeral protesaun saude Sr. Alecio Gusmao hateten.“Embaisador Novazelandia no ekipa husi care Internasional intrega hela ekipamentus balun, liga ho situasaun ne’ebe mak ita hasoru, depois de inundasun. Ita afeta kontaminasaun husi be’e ne’ebe mak iha entaun, sira fahe jergen ga be’e fatin. Ho tan oinsa atu halo porifikasaun halo be’e mak kontaminidadu, be’e sira ne’e diak atu ita bele konsumu, iha mos oin-sa labarik sira problema ho dezastre bele fo mos suplementu hodi nune bele sustenta sira nia isin, bele diak fali.
Tamba ne’e ohin Embaisador Nova zelandia ho ekipa care, bele ajuda Ministeriu da Saude halo intervensaun ba iha dezastre naturais no ba iha pandemia ne’e rasik, tamba dalaruma povu balun atu hetan be’e araska tebes. ita bele foti be’e ruma ne’ebe besik ita bele tau deit tableta aimoruk ne’ebe mak iha hodi nune be’e sira ne’e ita bele konsumu. Ho populasaun hotu bele konsumu. Hodi nune;e hafasil sira nia servisu, atu bele konsumu be’e, ka dalaruma sira iha problema diareiasaun, bele iha suplementu ne’ebe bele ajuda sira, ida ne’e maka ohin loron ita halo “handover ” (Entrega sasan) ida ne’e.”
Ministeriu da Saude sei halo koordenasaun hamutuk ho statal no autoridade lokal sira, atu nune’e bele fahe sasan ba ema ne’ebe persiza.
“ Ida ne’e papel husi Ministeriu estatal ninian, autoridade lokal ninian, ida ne’e kordenasaun entre ministerial nian, bele responde. Liu husi kordenasaun entre ministerial liliu Ministeriu estatal liu husi sira nia administrador, Xefi-Suku to’o Xefi -Aldeia hato’o ona informasaun ba Ministeriu estatal, ne’ebe liga ho ida ne’e, depois ita bele hetan dadus ruma husi estatal ita bele halo intervensaun ba fatin sira ne’ebe maka afetadu inundasun ou fatin ida ne’ebe mak susar ba be’e no mos fatin sira ne’ebe mak persija apoiu ida hanesan ne’e.”Gusmao esklarese.
Discussion about this post