By:Robelson Cardoso
Estudante Universidade Timor loro sa’e (UNTL) entrega sala konstrusaun dormitoriu ba Iqreja Katolika hodi fasilita ba komunidade refuziadu sira,atividade ne’e hala’o iha Suku Hera aldeia Ailok laran,Segunda Feira (16-05-2021).
Alende ne’e retor UNTL Doutor Profesor, Joao Soares Martins hateten, “ohin komunidade Canosiana hamutuk ho fakuldade enjenaria tekniku servisu hamutuk iha fatin ida ne’e, destinha ba ita nia Inan, Aman no familia ne’ebe hetan afetadu husi dezastre naturais, foin lalais ne’e. No sira agora hela iha ne’e. komunidade Canosiana husi amu Nivio ho nia amigu sira fo hela apoiu konstrusaun fatin ba inan isin rua sira no inan sira ne’ebe fo susu Bebe no formula.
Asaun karidade ne’ebe mak Komunidade Canosiana kompostu husi Amo Nivio ho nia amigo sira prepara kama hamutuk 24 atu bele fasilita Inan isin rua no Inan fo susu Bebe, ne’ebe hetan afetadu husi dezastrae Naturais iha 04 Abril 2021 liu ba.
“ kama hamutuk rua nolu resin hat (24). Asaun ida ne’e diak tebes, bele ajuda inan sira ne’ebe persija liu, sira ne’ebe maka isin rua no mos komunidade barak mak hela iha ene.
Agradese ba esforsu no laran luak husi Komunidade Canosiana ne’ebe tulun komunidade sira iha susar nia laran, ohin mai inagura edifisiu ida ne’e, servisu hamutuk kolaborasaun entre komunidade Canosiana ne’ebe maka dezes araska hetan materiais produsaun husi komunidade Canosiana italianu no mos dioseze se lasala, ho tan maluk balun laran luak sira nia ajuda, obra mai husi estudante enzeneria sira maka servisu durante fulan ida ka rua nia laran, hodi halo servisu hanesan sira ninia sakrifisiu kontribuisaun ba ita nia maluk sira.” Katak Reitor UNTL
Iha biban ida ne’e Xefe – Aldeia Ailok Laran, Suku Hera hodi komunidade husi aldeia Ailok – Laran nia naran, hato’o agradese wain ba amo Niviu , Amo Andre no mos padres sira seluk ne’ebe la temi naran.
Iha Fatin hanesan Xefi – Aldeia Ailok laran Sr.Rafael Soares Ribeiro,katak “hodi komunidade ailok laran suku Hera laran tomak, nia naran husu obrigadu barak ba Amu Niviu ho Amu Andreas no mos ba padre sira ne’ebe durante ne’e halibur ami iha fatin ne’e,kuidadu ami iha fatin ida ne’e to ohin loron, komesa iha dia 4 de Abril to dia 16 de Maiu.”
Iha oportunidade ne’e Amo Niviu Coreia hato’o apresiasaun no louva ba Studantes Inzeneria UNTL ne’ebe ho enerjitiku, talentu kriatividade no matenek tomak hodi aselera uma ba komunidade deslokadu Hera ne’ebe sai afetadu husi inudasaun.
“Agradese ho fuan ne’ebe nakonu ho gratidaun ba sira ninia didikasaun tomak ba tempu enerjia talentu kriatividade matenek tomak ne’ebe sira iha konsege enkarna dunik ba iha realidade ida ne’ebe ke furak tebes, ba iha konstrusaun ba iha ita nia familia sira ne’ebe mak afeta hela inundasaun iha dia 4 de abril ne’e sira konsege estabelese fatin iha 30 dias nia laran, aselera uituan tamba ita nia inan feto sira oan nurak isin rua ho sira ne’ebe fo susu atu bele hetan fatin ne’ebe mak maijumenus dignu uituan ba sira hodi hein governu nia planu ba sira.”Amu Niviu Correia, esklarese.
Discussion about this post