By: Robelson Cardoso
Tuir planu Governu Timor – Leste liu husi Ministeriu da Saude sei implementa sistema dizitalizasun liu husi RSETL mobile aplication atu ema hotu bele hatene kona-ba lalaok no persentazen vasinasaun. Programa ne’e, hetan lansamentu husi Kompania Blustone no Minesteriu da Saude. Ho ofisialmente entrega husi kompania bluestone ba ministerio da saude hanesan simbolikamente ne’ebe halao iha palasiu da sinzas kaikoli Dili iha loron Sesta Feira (30/04/2021).
Sistema eletronika refere halao tiha ona iha 2015. No ohin Diresaun Nasional Saude na famili, dezenvolve liu tan mobile aplication (aplikasaun telemovel ) iha sistema rezistu eletronika ne’ebe sei utiliza hodi fasilita ba kampainha vasinasaun COVID-19.
Ministra Odete Belo hateten,” Aplikasaun telemovel uja hodi halo tracking, ajuda kolekta informasaun kona-ba vasinasaun COVID-19. Tuir lolos atividades ida ne’e halo antes maibe, iha tempu ne’eba seidauk iha preparasaun ne’ebe mak diak.
Lansamentu ba dizitalizasun RSETL ne’ebe halao ohin sei utiliza husi pesoal saude hirak ne’ebe maka servisu iha Saude na Familia.
Ministra Odete Belo hatutan, “sira ne’ebe maka servisu iha saude na familia sira playtrack mai informasaun sira, kona-ba vasina. Nain hira mak vasina, sese mak vasina ona no seidauk vasina. No atu hatene vasina nia balansu hela hira. Entaun atu hatene informasaun kona- ba vasinasaun nian ne’e, ita uja mobile aplication, bele hetan pasword nebe mak uja telemovel android hodi bele hatene. Nia simu vasina dala hira ona ba doses primeiru ka doses sequndu, informasaun no sistema bele ajuda.
iha fatin hanesan Sr.David Montalvao esklarese.“Sistema saude permite liu ho resjistu. Saude tomak iha Timor-leste hanesan promete digital ida ne’ebe hamosu, hodi ajuda hadia ita nia dezentenu ba prestasaun saude no kontrolu husi saude na familia, Iha edisaun primaria da saude.
Sistema ida ne’e, hahu iha tinan 2015 to ohin loron. Hanesan Timor oan ida apresia tebes, ba politika oitavu governu nian hodi kontinua utiliza sistema mobile aplication ida ne’e. Ba iha intensaun servisu ministeriu saude, liu husi versaun nasional saude ho nia ekipa saude sira, kontinua servisu tuir ordenasaun nai ulun sira, atu oinsa bele kontrola pasiente sira ne’ebe detekta kazu pozitivu COVID-19 iha fulan hirak nia laran.
Hamutuk ho ekipa tekniku prepara formatu ba sistema digital no konsege finaliza servisu sira ne’e. No mos, ita atu hare iha sistema digital nian ne’e mosu kona-ba COVID-19. Iha biban ida ne’e, hanesan Timor oan ida hamutuk ho ekipa saude na familia hakarak fornese tan servisu foun ida ho aplikasi foun ba iha ministeriu saude, mak hanesan ho rejistu ne’ebe ministeriu saude fornese, iha era ida ne’e, atu ajuda tebes ita. Liliu ba parseiru sira hodi bele apoiu ba konsulta iha fasilidade saude, fo asesu ba sira ne’ebe kria media ho zoom. No rekolha ba COVID-19 iha teritorio Timor laran tomak.
Ba asistensia hirak ne’e, parte ida ita fornese ba ita nia governu, Liliu ministeriu saude iha tempu hodi bele halo kontrolu ba pasiente sira, halo tracking ba p-asiente COVID-19 no populasaun ne’ebe maka hetan vasina.”
Discussion about this post