Pasanjeiru hirak ne’e atu hakat ba tasi sorin sosa sasan nesisidade baziku no halo negosio ki’ik iha Terminal Tasi Tolu. Domingu, (11/04/2021). Photo by: Lorentina Belo Pereira
Iha Tinan ida ne’e, loron Domingu, 04 de Abril 2021 dezastre naturais lori esperensia foun ba povu Timor – Leste espesialmente povu afetadu inudasaun iha Bairo Masin-Lidung. Tamba, Bairo Masin-Lindung uza bero sai transporte esensial hodi hakat liu lagoa Tasi – Tolu ba iha terminal Tasi tasi tolu hodi kontinua buka moris liu husi Negosiu kiik. No mos bele sosa ahi-han no nesidade baziku hodi sustenta sira nia moris ba loron ohin no aban.
Komparasaun mudansa kimatika iha tinan 2021 ne’e, perigu liu iha tinan 202o no tinan hirak liu ba. Tuir informasaun ne’ebe Journalista Radio Rakambia asesu husi Diskursu Primeru Ministru Taur Matan Ruak iha Sentru Saude Formosa,Dili, ( Quarta-Feira,07/04/2021) katak dejastre naturais, estragus mais ronde dois mil e tal (2000) dolares amerikanu, kompara iha tinan kotuk, tinan kotuk 50 milhoens entre estragus ba populasaun no estradas publika sira.
Pasanzeiru Aliansa soares
Povu afetadu ba inudasau Sra. Aliansa Soares, sai pasanzeiru iha nia Bairo Masin- Lidung, Aldeia 12 de Outobru, suku Komoro, Dili, Timor – Leste. Iha Domingu, (11/04/2021). Photo by: Lorentina Belo Pereira.
Katak Aliansa soares, “Hau hein hela bero atu ba uma adat, ba sosa bee, ba sosa hahan no supermi, atu han, hemu iha uma laran. Hau foin primeira ves atu sae Bero ba sorin ne’eba. Maibe ema iha Bairo ida ne’e ba loron – loron, ba mai hela ho bero. Ba selu $1 mak nee ga hau mos seidauk sae dala ida. Tamba ne’e hau senti tauk tamba bero ki’ik. Iha bero 8 mak loron – loron tula ema ba mai hamutuk ho ro,o bot malae nian. Maibe ro’o malae nian, ohin la mai ohin mai putar deit iha sorin neeba. Hau atu liu husi dalan seluk maibe la iha, so liu husi foho leten deit husi estrada la iha. tamba estrada be nakonu hotu.”
Pasanjeiru, Jeronimo da Silva
Pasanjeiru, Jeronimo da Silva povu afetadu husi deastre Naturais ne’ebe akontese iha 4 de Abril 2021 liu ba, espresa hala nia sentimentu kona-ba dezastre ne’ebe nia infreta. Iha Domingu. (11/04/2021). Photo by: Lorentina Belo Pereira.
Kata Jeronimo, “Hau hela iha aldeia 12 de otubro bairo maslidun atu hakat ba terminal Tasi Tolu, ba sosa sasan kios nian. Ami selu lima pul sen $.0.50 ou satu dollar $1 husi nee ba, depende ba ema ro nain, husu lima pul sen $0.50 ou satu dolar $1, se sira husu satu dolar ita fo satudolar. Presu primeiu lolos ne’e ema husu $1 lae $2, tamba agora ro barak entaun ema husu lima pulu sen deit mos bele.
Atu hakat ba sorin, agora dadaun ne’e tenki liu husi tasi, Ita bele buka dalan seluk balun, bele sae foho mos diak, se karik ita hakarak. Ho ro’o ita tenki selu. Tamba dalan seluk la iha, dalan agora tasi nakonu entaun ita hakat liu husi, sae foho nee mak tun fali mai. Kompara liu husi tasi laran besik liu dukue liu husi foho leten dook.”
Povu afetadu dezastre Naturais, Jeronimu, Senti triste uituan tamba situasaun la hanesan uluk.
“Ami iha ne’e afetadu ba udan. Triste uituan tamba uluk ami sempre ho kareta, mak lori sasan mai. Tamba be’e agora nakonu entaun ami atu lori sasan mai mos ladiak. Ami tenki ho ro’o ba hola sasan no tula fali ho ro lori mai hatun, hodi lori mai tau iha keos atu nune buka osan oituan bele sustenta moris.”
Discussion about this post