Antigos Alunus, Georjina Martins
Antigos Alunus, Georjina Martins, espresa hela solidaridade Caritava ne’ebe sira halo ba Alin kiik oan sira ne’ebe afetadu husi Dezastre Naturais. Iha Domingu, (11/04/2021). Photo BY: Lorentina B. Pereira
By: Cristiana X.Belo
Estudantes, Antigus Alunus Sao. Pedro 2013 halo karidade solidaridade ba alin ki’ik oan sira ne’ebe afetadu ba Dezastre Naturais ka inudasaun iha Masin – Lidung. Iha oportunidade ida ne’e, estudante Antigus Alunus hamutuk ho Amo. Joao Maria Roque Guterres, Fahe sasan ba alin kiik sira hamutuk Atus ida (100). Alin kiik oan sira simu ho ksolok tebes. Sasan refere fahe iha kampu refijiadus, Bairo Masin-Lidung. Aldeia 12 de Outobru. Iha loron Domingu, (11/04/202).
Iha biban ida ne’e reprezentante estudantes antigus alunus 2013. Georjina Martins espresa nia sentimentu fo agradese ba oportunidade solidaridade Caritativa ne’ebe sira nia ekipa oferese.
“Primeru, hakarak agradese tamba hetan oportunidade mai hare direitamente komunidade sira nia situasaun iha nee. Bainhira ami rona informasaun katak, iha ne’e kona inudasaun hotu. Be’e sae maka’as tamba ne’e ami lori sasan mai fahe iha nee. No ami rona informasaun katak ema barak lori sasan hanesan fos, no buat boot ne’ebe ba ema boot sira deit. Maski sira fo hotu ba labarik maibe sei tein. Entaun ami hetan informasaun husi parde Joao S.D.B katak, iha nee iha labarik barak entau, ami perpara hahan ba labarik oan sira.
entau ami nia grupu prepara hahan ba labarik oan sira. Buat ne’ebe ami perpara ajuda maka pao, susuben, Biskuit. No bazeia ba informasaun ne’ebe ami hetan katak iha ne’e la iha Be’e mos entau ami fahe mos aqua ba sira, pelumenus sira bele han ba loron ida ou loron rua hanesan nee, ida nee deit mak iha ami nia pakote laran nee. Buat ne’ebe ami perpara ohin, pakote nee hamutuk atus ida (100). Ami espera katak, ida nee bele too ba sira. Ohin konsege barak mak simu. Iha ida rua neebe la too tamba ami perpara ba atus ida (100) pakotes.” Katak Georjina
Grupu Estudantes, Antigus Alunus 2013 halao mos atividades Caritativa iha fatin seluk ne’ebe hetan afetadu husi inudasaun.
“Sim ami nia grupu nee kleur loos ona. Ami halao atividade barak, liliu inundasaun ida foin lalais nee. ami fahe dala barak loos ona, Primeriu iha joao paul segundu iha refujadus loron primeiru, ami direita mente fahe buat balun, loron segundu moos ami lori tan aguda seitenta quatro uma kain iha parte joao paulo nia okos. Iha ne’eba, ami fahe moos hanesan manta, biti depois hahan balun, ropa ba bebe sira no mos seluk seluk tan.” Haktuiir Georjina
Nofi no Alotu hanesan reprezentante nia kolega sira ki’ik oan sira, hato’o sira nia senti mentu depois de simu sasan. No fo obridau ba Grupus estudantes antigus alunu ho Amo. Iha Domingu, (11/04/2021). Photo by: Lorentina B. Pereira
“ohin ba simu sasan husi Amo husi Don.Bosco no bin estudantes sira. sira fahe indomilk, bee, paun no rabisadu, hau senti kontenti ho ahi-han hiraka ne’e. Ami bele han, no hemu. Hakarak fo obrigadu ba Amo no bin estudantes sira. tamba fo ona sasan ba ami. Obrigado amu tamba amu fahe ona hahan mai ami hanoin ami labarik kiik oan sira ami senti kontenti teb tebes tamba amu sira sei tau matan ba ami, obrigado.” Katak Nofi.
Rosa Tilman, Nu’udar Inan husi Nofi.
Inan afetadu ba dezastre Naturais, konta hela storia sobre sasan ne’ebe oan sira simu husi Estundates, Antigus Alunus Sao. Pedro 2013. Iha Domingo. (11/04/2021). Photo By: Lorentina B.Pereira
Iha biban ida ne’e mos Journalista Radio Rakambia dada lia ho mana Rosa Tilman nu’udar reprezentante Inan ba alin kiik oan sira hotu hodi konta istoria sobre sasan ne’ebe nia oan sira simu.
Dehan Rosa Tilman.“Alin sira ohin simu sasan paun, bee, indomlik no mos rabisadu oituan. Amo ho nia estudante sira mak mai fahe duni aihan oituan ba alin ki’ik oan sira husi bairu masin – lidun. Maske ami senti tristi maibe ami senti mos laran kontenti teb -tebes ba ami nia oan ki’ik oan sira ne’ebe ohin simu aihan husi amu no nia estudante sira. Ne’ebe ohin lori ai-han mai fahe ba ami nia oan sira.”
Discussion about this post