Komunidade Rai Mei simu ajudus husi CWS hodi hasae nutrisaun no halakon hamlaha.
By: Lizia Guteres
CWS hatutan Governu Timor – Leste nia planu estratejia Dezenvolvimentu Nasional (PEDN) ka Vizaun 30, tuir Metas Programa ida ne’ebe hanaran Timor Jero Hunger ka Timor – Leste livre husi hamlaha iha tinan tolu nolu oin mai.
Tamba ne’e, iha 2018 – Marsu 2021 CWS halao ona distribuisaun manu Timor hamutuk rihun rua nen nolu resin lima (2.065) ba uma kain grupu tarjeitu hamtuk Atus Hitu Lima nolu resin Lima (755). Ne’ebe kompostu husi, Suku Mau-Meta, Vatu-Vou, Ulu – Mera, Metagou, Luku – Lai no suku Lisa Iku. Ho objetivu atu hadia komunidade sira nia uma laran no hadia nutrisaun ba labarik tinan lima(5) mai kraik ho inan isin rua no ba inan sira ne’ebe fo susu bebe.
Katak Critovao Ramos,”Programa Timor Jero Hunger ne’ebe implementa iha munisipiu liquica, Aldeia Rai-Mei, ba uma kain rua nolu (20) no distribuisaun manu Timor hamutuk neen nolu (60) kompstu husi inan haat nolu(40) aman rua nolu(20).
ba oin programa ida ne’e lao nafatin no hetan suporta tamba ita hatene katak ita nia komunidade sira persiza suporta hodi bele tulun sira nia uma laran no hadia nutrisaun ba labarik tinan lima(5) mai kraik ho inan isin rua no ba inan fo susu sira“.
Iha programa ne;e CWS halao kolaborasaun servisu hamutuk ho parseiru Dezenvolementu xafe sira husi Munisipiu Liquica.
Cristovao Ramos hatutan,” Ami agora mesak maibe, parseiru ho ministeriu saude, servisiiu hamutuk ho autoridade lokal munnisipiu nian, ministeriu agrikultura no peska munisipio Liquica. Durante ne’e, sempre lao hamutuk. Bainhira atu halo distribuisaun manu ami halo sosializasaun uluk. Depois de sosilizasaun fahe material hanesan pregu ba uma kain tarjetu sira, prepara manu luhan. Depois mak ami halo distribuisaun.Total uma kain kuaze rihun rua(200) resin ona mak hetan.Tuir mai sei hetan tan.
agora dadaun sira hetan ne’e atus rua (200) resin. No laos deit iha suku ida ne’e iha mos suku maumeta ho suku metagou agora ami prepara atu halo distribuisaun.”
Chefe Aldeia Rai Mei Sr.Tomas Pires Saldanha hetan Intervista husi Journalista Radio Rakambia iha nia hela fatin Rai Mei. Kona-ba distribuisaun Manu husi CWS. Iha kinta-feira(11/02/2021) photo by: Celesbania de Oliveira
CHEFE ALDEIA RAI-MEI ho laran ksolok simu NGO church world services (CWS) tamba bele distribui Manu Ba Aldeia Rai-Mei. Maske seidauk sente nia benefisiu.
“Programa ki’ikoan ida foin simu seidauk implementa, depois haree to’ok. Nia benefesiu seidauk hatene. Maibe sente kontente tamba, bele distribui manu, tama to’o ami nia aldeia. Hodi kontribui liu husi buat ki’ikoan sira ne’e hodi bele hein fali aban bainrua.
Ami Sei implementa, depois aban bainrua iha benefisiu bele sustenta ami nia nesesidades loron-loron nian. Depois sei iha tan nia benefisiu bo’ot mai ami, bele implementa hodi halo dezemvolvimentu moris uma laran nian.”
Discussion about this post